صحيفة المريخ اون لاين
صفحة 49 من 49 الأولىالأولى ... 39 45 46 47 48 49
النتائج 481 إلى 490 من 490
     
  1. #481
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    45

    افتراضي رد: من هنا وهناك

    هووووووووووووووووووووووووي دي تحت الحزام

  2.  
     
  3. #482
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    45

    افتراضي من هنا وهناك

    يا لذيذ يا رادس

    لو خرج المارد من قمقمه
    وقال لي : لبيك
    دقيقة واحدة لديك
    تختار فيها كل ما تريده
    من قطع الياقوت والزمرد
    لاخترت بلا تردد عينَيْكِ
    (قباني)
    * لا اخاف علي المريخ الان الا من مجلس ادارته .... فلقد عجز كذا لاعب عن اتمام التمرين امس الاول ...والسبب هو غياب مدرب اللياقة... ففريق بدون مدرب لياقة مثل الجلابية السودانية بي لياقة.... اتخيل كده انك وديت جلابيتك للترزي ....والباقي من العيد خمسة مازيمبي...... ويوم الوقفة جيت تشيل الجلابية وانت قماشك مشتريه بباقي حقوق ديمبا؟؟؟؟
    وتجي تلقي الترزي عمل ليك الجلابية بي لياقة
    اهو حالك ده حال النادي بدون مدرب لياقة
    ولعلمكم
    اللياقة بتميز حتي الكيشة
    كما ينهار الموهوب بالشيشة؟!
    المريخ اليوم في العلالي
    قابض الجو
    وماشي رغم ال(هو)
    فلاترجعونا للخلف بالتلكؤ في موضوع استقدام مدرب اللياقة
    لقد انهار نظام حسني وبن علي في اقل من شهر
    ونحن لشهور بدون مدرب لياقة
    ولا احد يعيب عوض يس
    لكن ان كان لابد من خواجة فالاسعافات الاولية مهمة
    كما ان انضباط اللاعبين مهم ايضا
    ونعني الذين يفضلون التدخينة علي التسخينة
    ..............................................
    لن يجد الدماعة فرصة لانتظار جزيرة الفيل
    لانهم يوم السبت في موضوع تاني
    ولكن جزيرة الفيل خصم لا يستهان به
    جزيرة الفيل فريق كبير ومحترم
    والمريخ ان تجاوزه فان النمرة الكاملة للدورة الاولي تبقي في الجيب
    وعدانا العيب
    ان المريخ قد فعل فعل الكبار في هذا الموسم
    جعل امامه عربة نجدة تفتح له الطريق
    ففتح وخلفه ابو القدح
    ادالها بنزين وفات المسكين
    وامامه النجدة تسوي ويو ويو ويو
    حلق صقرا وغيره سو......
    تموا(السيو) براكم ساعدونا شوية
    اذا في الجزيرة نزرع (نقطنا)
    غدا سنسمع باذن الله جدول 3 لحدي 3 في جزيرة الفيل
    وهي تساوي 27
    فكما قلنا سابقا قد تغيرت الارقام
    3في هلال الساحل بتساوي 3
    3 في هلال رادس بتساوي 6
    3 في اهلي شندي بتساوي 9
    و
    3 في اتحاد مدني بتساوي 24
    ..............................
    الفوز عند محمد سيد احمد شيئ اعتيادي
    مثل السماعات في الرادي
    ومثل الغين في البغدادي
    والرجل الذي رغم الاعداء قد انتصر في كل معركة
    ندخره للمريخ....
    فلقد دخل استاد الجماعة جهرا لما واعدوه بالويل والثبور
    وها هم هلالاب يعجزون عن دخول استادهم ولو داخل حصان طروادة
    ويا الحصاحيصا مطمئنة نومي فلقد حرسك الجاكومي



    سبق ان كتبنا (العطش داخل رادس علي مسئولية صاحبه)
    يعني لو عايز تمشي تشرب وتجي راجع ما تتفاجأ لو قالوا ليك.....
    زمان حصلت انبهاطة لترباس في موضوع زي ده
    حصلت له انبهاطة في الدورة اللحنية
    مشي يشرب لقي قصاد كل حرف من يشرب قون
    الحمد الله مامشي يشرب ويتوضي ويصلي
    الغريبة رادس زي راجي
    في تشابه في اللبع
    لكن المحيرني كوتة الصحفيين المرافقين ديل
    واحد خبيث قال لي يكون اي واحد عايز يكتب عن واحد
    قلت ليه واحد شنو
    قال لي واحد من اللاعبين
    وواحد اخبث قال لي انت الامجاد مشو
    قلت ليه انت شكلك قاصد الاسياد ميشو
    قال لي : لا انا قاصد الامجاد مشو.... لانه حمولة الامجاد دي هي النتيجة
    غايتو.... كل الدلائل تشير الي ان عمك احمد هرمنا
    حا يقلب عصير بعد القهوة والشاي
    القهوة والشاي تاني جنبنا هنا
    ...هو المرحوم كان مالو
    واحد قال للتاني كده
    التاني قال ليه : لو كان المرحوم عنده(مالو) كان هسي كان ده حالو
    ده ما الهلال ده من قل المال
    اعلاه ده مانشيت قادم
    >>>>>>>>>>>
    حملوني ازهار
    وتشظت احلامي
    ثم غطاني الزمهرير
    ده ممكن يكون شعر حداثة
    وهو شيئ اشبه بكوراك حداثة

  4.  
     
  5. #483
    مريخي رائد
    رقم العضوية : 3373
    تاريخ التسجيل : Apr 2010
    المشاركات: 121,061
    التقييم: 209
    معدل تقييم المستوى
    650

    افتراضي رد: من هنا وهناك

    ايها الرائع دوما هيثم صديق
    لك كل التحي ياصفوة يارائع

  6.  
     
  7. #484
    مريخي بلا حدود
    رقم العضوية : 1750
    تاريخ التسجيل : Jan 2010
    المشاركات: 1,469
    التقييم: 50
    معدل تقييم المستوى
    51

    افتراضي رد: من هنا وهناك

    مشكور أستاذنا هيثم الصديق .

  8.  
     
  9. #485
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    45

    افتراضي من هنا وهناك

    في الجزيرة نقلع نقطنا
    (ما تبقي يؤسسه المريخ)
    وحتي لا تسقط نقطة واحدة يجب ان نعمل جميعا
    فاليوم في الجزيرة نحن اولاد تسعة.... فهذا هو الفريق التاسع الذي يقابل فراق (الوصايف)
    ولا نقلل من اهمية المباراة ان قلنا ان سهمها يتجه نحو المريخ ما كان المريخ جهة
    وان سهامها تتجه نحو جزيرة الفيل ما كانت جزيرة الفيل فريسة
    المريخ الذي يساوي الجميع عنده هو قاضي قضاة الكرة السودانية
    وما دام انه قد حكم بجلد الجميع فعلي الجميع ان يركزوا
    ومع ذلك لا تاتي الانتصارات بالتمني
    فعلي اللاعبين مضاعفة الجهد... والعمل بالجد ...وبعد ذلك فان اسم المريخ ريح تنفخ في اشرعتهم وتجري بريح طيب .....
    لقد تهاون الحضري في المباراة الماضية حتي كاد ان يسقط لنا نقطنا ويقطفه غيرنا ولكنها غلطة مهمة جدا للحضري حتي يعرف ان الجدية مطلوبة علي طول ...فالحضري للاسف كأنه موقوف وهو يقف في حراسة مرمي المريخ حيث لا يتجرأ احد علي الاقتراب فالكرات الخطرة علي مرمي المريخ تعد علي اهداف مازيمبي
    اما علي صعيد اطراف المريخ فهي الداء الذي اعيا المداويا
    فالطرف الايمن يوجد فيه نجم الدين وبلة جابر
    الاول يوم هنا ويومين هناك
    والثاني اما واقع جوز او لاوي بوز
    كما ان الطرف الايسر ما بين موسي زكاة
    وهي مهنة توزيع كرات المريخ للفقراء والمساكين من الخصوم
    ولو جعل الزكاة زكاء لارتحنا وارتاح
    ان مصعب عمر يحب التقدم ونزعته الدفاعية مش ولابد
    والامر ينداح الي قلق ايضا
    اما عاصم عابدين والدافي فالاول لا يريد الاقتراب والثاني يعد الموضوع اغتراب
    لكن متوسط الدفاع قد شهد ثباتا ملحوظا بواوا .... فباسكال قد عوضنا حسرتنا علي ابي بكر كوني....فما غضبت لامر لاعب اجنبي كما غضبت علي ذهاب كوني...الان باسكال حل محل كوني واعطي سفاري ميزته الوحيدة وهي ترصد الكرات المتقدمة من المهاجمين اما استخلصها بطريقة يصفق لها الجمهور من حرفتنها او ينتزع تصفيق الجمهور باللعب الانزلاقي
    وعند المحاور فيبقي الشغيل هو الاصل في هذه الخانة وقد نفعه الشطب كما نفعت الاعارة الباشا.... الشغيل افضل من يبوظ هجمات الخصوم.... وفريقه في بعض المرات
    والحديث عن الباشا نراه مكررا فكله اطراء وثناء علي فتي صبر علي القدح حتي جاءه المدح
    وهناك السعودي مجند الاحتياط الجاهز دائما بلا ضجر ولا ضرر وتكفيه عندنا روحه الوثابة
    اما راجي الرامي الراقي الواقي الساقي فهو مطر العافية اينما وقع نفع ان غاب استسقينا غمامه وان حضر كان القري والقناديل....
    وكما تضع النساء الذهب لايام العوزة وللزينة فان المريخ يضع ذهب 24 لكذلك
    فهو زينة حين نكشكشه في الملعب والتشكيلة
    وهو للعوزة ساعة ندخره في الكنبة (الخزنة) او في كشوفات الفريق
    وفي الهجوم يوجد (اووخ) سيد الخلعة ساكواها .. الذي سواها.... وسماها(من سم) وسماها(وصيف)
    وهناك كلتشي الذي يعشق به المريخ ويفضي به الهلال
    ويوجد هنو الذي طلع فوق عربة الاسعاف ... وطلع نجمه بعدها
    المريخ علي نطاق المقارنه بمن سواه لم يجعل تساويا..... هو مثل المدرسة التي نجح جميع طلابها ولكن بنمر متفاوتة من الاول والي الناجح بالمرور.... لكنه لا يقارن بمدارس لم ينجح احد او والله ما يقرأ الا بالقروش...(والقروش تعيش انت)
    ان البدري اذا ما جئنا للجهاز الفني لاينتقد هذه الايام.... فهو قد اجتاز كل المطبات وافشل كل كمين....ولا يعني هذا انه لم يغترف مجموعة اخطاء عندنا مرصودة.... لكن لن تنحدث مع ناجح ما دام لايزال ينجح
    ولكنا نأخذ علي البدري عدم دفعه بلاعب من الشباب.... فكلنا نتابع الدوريات الكبري وامامنا بطولة اوربا ونري الفتيان اصحاب ال 17 و18 سنة وكيف يفعلون.... لقد انتصر المريخ باهداف كثيرة وكان الافضل الدفع بهولاء الشباب
    اما مواخزاتنا لمجلس الادارة فلن تتوقف حتي نري مدرب اللياقة قد وصل... ام سنتفاجأ بان مدرب اللياقة هو ستيفن وارغو بعد جريه ربما من الحرب في ليبيا؟

  10.  
     
  11. #486
    اللجنة الفنية
    رقم العضوية : 83
    تاريخ التسجيل : Jan 2009
    المشاركات: 13,317
    التقييم: 54
    معدل تقييم المستوى
    117

    افتراضي رد: من هنا وهناك

    في الجزيرة نقلع نقطنا

    :101:
    نفرح نهيص نحقق أملنا
    ..
    والله ماشاء الله تبارك الله
    خيالك واسع شديد
    ..
    عجبني العنوان
    :PEPSI:
    ...
    توقيع مرهف
    المجد للإعجاز والإنجاز والتاريخ
    المجد للمريـخ

    ...

  12.  
     
  13. #487
    مريخي بلا حدود
    رقم العضوية : 388
    تاريخ التسجيل : Mar 2009
    المشاركات: 1,051
    التقييم: 54
    معدل تقييم المستوى
    54

    افتراضي رد: من هنا وهناك

    تسلم يا راقى.

  14.  
     
  15. #488
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    45

    افتراضي من هنا وهناك

    نجمة العز يا سماحة
    لأن كلام القواميس مات
    لأن كلام المكاتيب مات
    لأن كلام الروايات مات
    أريد اكتشاف طريقة عشق
    أحبك فيها .. بلا كلمات
    (نزار قباني)
    طبعا نحن اكتشفنا الحب بال(لكمات)
    محمد علي كلاي رجع في شكل فريق كرة قدم
    مرة بالقاضية يحسم
    ومرة بالجولات
    ونطالب صادقين بند حقيقي
    عايزين فريق قوي نغلبوا بيا الله ويامين
    كرهنا جدول تلاتة عديل كده
    عندنا عمنا ماذون
    جاته واحدة عايزة قسيمة طلاق
    قالت ليه راجلي طلقني بالثلاثة
    عمنا هاج وماج ..... عمنا صيد بلد
    قال ليها ترجعي ليه طوالي ...شنو شابكننا تلاتات لامن جاتنا نفسيات
    والكمون حقنا
    مفروض نحن يربطوا لينا كمونة
    من المصلت
    من العين الشافتو ما صلت
    كمونة قلبناه ليمونة
    و(مصر)ناه
    موية الليمون الحلوة بتريح الكلوة
    امبارح كان الشغل علي قول المثل
    فعّل الاطراف خلي الجمل يخاف
    واحد قال لي انت دي مريخ جزيرة والا .... و....
    اورانجا
    طلعت فاصل ورجعت ليكم
    المريخ شغال الايام دي حملات ضد بلل الابطال
    ممن قون لخمسة
    ويلا ويلا علي التطعيم
    اللي ما بيجينا بنمشي ليه
    واي حاجة ولا التحدي
    هو الكلام بقروش
    اذا المريخ يوما اراد النتيجة
    فلابد ان يستجيب الكفر
    وفي الجزيرة نشيل نقطنا
    ونضرب الفيل بالتقيل
    وجينا بسن الفيل
    المريخ ده ما سموه اب عاج ساي او خبط عشواء
    ويا ربي المريخ ده قاعد في فندق امبريال والا بلاعب في عيال
    عيال اب(بديري) الكمبلو و عرضو
    و
    (خرمنا لاجل هذه الحظة التاريخية)
    والمريخ امس وزع المتعة
    حواشة حواشة وترعة ترعة
    المريخ بقيادة ابن كفر البطيخ خلي الدوري مسيخ
    الحضري بقي الحارس الفخري
    لولقي ليه شاي زي بتاع التاج بتاع الدماعة
    والا احسن الينسون
    لكن عيب نشرب ينسون والناس متضايقة من الديون
    والحراس عندها وجع عيون
    ويا ربي الليلة كيف مع هذا الصيف
    باسكال قال الفيل ده ما اصلي
    باسكال من ساحل العاج... بيعرف الاصلي من التقليد
    والعجب العجب
    يكاد عقلي يذهب..... يذهب للهلال والا شنو
    بالمناسبة دي انتوا حمودة وين؟
    وبالمناسبة التانية ديك انت ساكواها عمل شنو؟
    اها الليلة اعلام الفيل حا يقول شنو؟
    كان اعلام الفول بقيناه اعلام الفيل
    نحن الايام دي بنسمي وبنكني
    واحد قال لي انت دي تشكيلة للافيال والا اغنية بنات
    (البابور) جاز خلو الاشتغل
    ومرة في (سنار ) انكسر مسمار واتعطل العمال
    والغريبة الناس واقفة صف علشان تاخد كف
    وتلعب ناعم تلعب عنيف المريخ ما بقيف
    المريخ خريف
    اللهم اجعلها قينان خير وبركة
    والخروج من ال32 لدوري الابطال عين بس
    ادونا عين
    وعين الحسود ما معروف الليلة فيها شنو!!
    واللي بعده
    ساعدونا بالسرعة
    و
    لو بخمسة قون احبك
    لو بتحلم في منامك
    لو ترسل لي سلامك
    قوووووووووووووووووووووووون احبك

  16.  
     
  17. #489
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    45

    افتراضي من هنا وهناك

    خرج الخرطوم وصعد الفريق الفاسي
    (نتمني ان يكون اخواننا من لاعبي الهلال بخير)
    لها الله هذه البلدان العربية
    اما زردها الطغاة ...او اودي بهيبتها الفوضويون
    وينقضون غزلهم بايديهم
    تري هل كان ذهاب بن علي وبالا علي تونس
    وهل سيكون ابتعاد مبارك ضد وحدة مصر
    كما كان ذهاب صدام حسين تمزقا للعراق
    لقد اثبتت مباراة الامس ان تونس قد فارقت النظام
    كما فارقته ارض الكنانة
    اللهم جنبنا ثورات مثل هذه واجعل بيننا وبينها بعد المشرقين
    .................................
    ابدي رمضان وجماعته من الصائمين عن كأس خارجي
    ابدوا غضبهم علي جزيرة الفيل
    كأن جزيرة الفيل كان بيدها دفع الزلزال
    تسونامي المريخ ضرب كل من قابله حتي الان
    واسأل نفسك بينك وبينا عن اخلاصنا
    وكيف تتجاهل قوون ساكواها
    ان المريخ يندفع كسيل جارف نحو مصبه الميمون
    ما دايرين حتي درون
    بالطول وبالعرض مريخنا يهز الارض
    ان قلنا للقون بقون
    وللتاني بتني
    وللتالت بتلت
    وللرابع بربع
    وتراهو اخيرا خمس
    في ناس تاخد لفتها وتجي تلقي المراكب شرقت
    وليتهيأ هلال الجبال لاخذ حقه ومستحقه
    لا ينقص فرطاقة
    وعندنا معاملة خاصة للاسم ده
    وللون ده.... بنكرم اللون
    ................................
    عادت الاطراف للرفيف فحلق المريخ طائرا
    وبوجود مصعب عمر لا داعي لاخرين كما ان نجم الدين تجاوز تواضعه امام الاتحاد وركز للفيل
    ولقد اعجبنا مريخ الافيال
    لما غني الافيال
    غلبوني ليه ليه
    غلبوني زي فريق صغير
    ما عرفت ازوغ يا ناس ازوغ
    حت ما جريت
    وعلي الحان الاغنية الاطفالية الرائعة انتشينا وللفيل شوينا
    نحن بنضرب بالتقيل
    نحن الاكلنا الفيل
    وصممنا ان يتوالي الزحف والضرب بالدور
    للواقفين طابور...
    ..............................
    لوسمح القانون فان للمريخ بدلاءيكونون فريقا ينافس علي البطولة
    فلماذا لا يشارك المريخ (ب) عسي ان يتعادل او ينهزم
    ويمكن ان يكون المريخ (ب) مثل الاندية الاخري
    يتساوي الجميع في المحلية
    والتقوقع داخل الذات
    والفريق داك عانيه بالذات
    ....................
    ولا زال الحكام الافارقة يمارسون عدم (عرفتهم) للتحكيم
    لن نقول انهم يستقصدون الخيانة
    ولكن الذي رايناه من كيلو بالي امس في رادس كان عدم عرفة
    ونحن ضد الفوضي ولكن التغاضي عن ركلة جزاء واضحة امر يدعو الي الثورة
    كنا نتمني ان نري صمود الهلال حتي النهاية
    لكن البرابرة والحكم افسدوا الامر
    ..................................
    وامس تجدد جرحنا من جديد
    جرحنا القرب يطيب
    كيف لا وقد راينا الافريقي التونسي والهلال
    وتحسرنا ان يصعد احد هذين الفريقين الي دوري المجموعات ويغيب عنها المريخ
    ونعرف ان اي منهما لن ينال الكاس
    لكنا قلنا (يدي الحلق للي مالوش ودان)
    ما كان المريخ يستحق الخروج لولا انها مدورة
    ولولا تلاعب لاعبينا باسم المريخ
    ويا الكنت السبب اشوفك بره الكشوفات في التكميلية القريبة دي
    ..................................
    في الافلام والمسلسلا تتم الاستعانة بالنجوم الكبار كضيوف شرف
    والحضري في مسلسل الدوري الممتاز هو ضيف الشرف
    الحضري الذي شرّف بلده وانديته التي لها لعب
    ولئن سخر ناس صلاح التوم من عيد ميلاده
    فانا لن نفرح لشهادة الوفاة التي تكتب لمسيرة نجمين في فريق صيد البلد
    ..........................
    وهاهي بغلة عبد الخير
    (علقت ) بطيخا
    وجرت كمستر (بن) لما ربط دراجته بعربة وتجاوز المتسابقين
    ثم
    .......................
    ثم ضاع الامس مني
    وانطوت في القلب حسرة
    ...............................
    ورغم كل شيئ وكل ما فعلته الخرطوم
    من اللعب نصة نهار
    فانها قد خرجت لانها نالت الخماسية
    ومن نال الخماسية فودع منه
    وصعد الفريق الفاسي

  18.  
     
  19. #490
    مريخي متميز
    رقم العضوية : 3920
    تاريخ التسجيل : May 2010
    المشاركات: 223
    التقييم: 50
    معدل تقييم المستوى
    43

    افتراضي رد: من هنا وهناك


    هيثم أيها الصديق ...

    لا تخرج علي الحاكم
    قد قالها فقهاء هذه الامه ...



    لم يتعلم فريق الخرطوم من أخطاء الأمس
    فقدإنهزم من بيروجيت المصري عصرا في الخرطوم
    وهاهو يكرر مصيدته
    ويهزم نفسه بيده ...
    نعم إنه إنتصر ولكن لم يتأهل ...



    تأهل الهلال ...
    فلعيبته يحملون غيرةَ علي شعارهم ...
    والافريقي لم يكن في يومه ...
    فبن علي ليس موجودا اليوم ...

  20.  
صفحة 49 من 49 الأولىالأولى ... 39 45 46 47 48 49

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •