صحيفة المريخ اون لاين
صفحة 1 من 49 1 2 3 4 5 11 ... الأخيرةالأخيرة
النتائج 1 إلى 10 من 490
     
  1. #1
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    44

    افتراضي ملاحن الهوى للاحباب اهل الهوى

    [frame="1 80"]
    انتظرونى... قصص قصيرة...مساهمات ادبية منوعة..... وعد غير ممطل
    [/frame]

  2.  
     
  3. #2
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    44

    افتراضي من هنا وهناك

    [frame="10 100"]
    موتمر صحفى لعدم استقالة



    *يقول المثل:


    اللى عندو قرش محيرو..... يشترى حمام ويطيرو


    ........... وعليه نقيس


    اللى عندو كرسى محيرو يقول حايستقيل


    ودى مترجمة


    فى شعر ترجمتوغريبة ويووووووزع


    رئيس الهلال قال حايستقيل فى مؤتمر صحافى


    فى جماعة من ضمان الاستقالة بقوا يقولوا للطاش يا ريس


    *لكن الارباب طلع زى امبيلى


    *يغربل فى مكانو بس


    *ان شالوه ما بنشال


    *انه مؤتمر تحت عنوان


    *(انتوا صدقتو)


    وحيح


    تصطف الكبابى اجمل من صبايا


    مابين الروابى والضل الوريف


    احمر زاهى باهى


    يلفت انتباهى


    هل سكر زيادة ام سكر خفيف


    ...........


    نارك ما بتحرّق


    ما بتشد تلاوى


    تجمع ما بتفرق


    من جيبك تداورى


    ...................


    حب الناس درقتو


    يلا نسد فرقتو


    ياموت لو تركتو


    مننا قد سرقتو


    (محجوب شريف يرثى عبد الكريم ميرغنى)


    صديق وحزف اجابتين وراى جمهور


    ابى السيد محمد الشيخ مدنى الا ان يحزف اجابتين ويستعين بالجمهور ويعطى رائه كصديق ويبدل السؤال لاجل ان يفوز الدكتور شداد بالاستثناء اخو المليون


    واذا بتحبو حضروا حالكم فهذا اخوكم كمال حامد شداد بدو يربح الاستثناء ومعكم ثلاثين يوما من وقت ما يبدأ السيد شداد السؤال


    كما ان مناصرة الاتحادات للاتحاد العام ليست دليل محبة واقتناع


    السبب الذى جعل الارباب يتراجع عن الاستقالة هو ما جعل اتحادات البصمة تسوق البسمة


    .....ويلا بلا لخمة


    اهل المريخ


    واستغرب لماذا لم يكرم اهل المريخ الى الان اول من ساق بصات الخرطوم الجديدة


    فان طريقهم لقولة نحن هنا اخذ يكرم بالسيدة وحرم على التوالى


    لاغضاضة فى تكريم الاخيار


    ولا للخيار


    فهناك من يستحق الوشاحات ايضا


    وشهادات التقدير


    ويقولون لك ناس فلان انسلخوا من التجمع


    وهل كانوا هناك اولى تاثير


    الان يمكن ان نقولها:


    على مجلس المريخ ان يكرم التجمع بوشاح


    الغلاء


    ادعوا الله ان يرفع الغلاء


    اصبحت الاسواق نار


    ورقة الحال تزور معظم الناس


    وهاهى الحكومة تجتمع لتعرف المسببات


    وهاهم الفقراء يتنكبون الاسواق


    كل شى تعزز


    من الليمون والى ما لانهاية


    اللهم انزل الغيث


    اللهم عجل بالغوث


    وياتى رمضان ليعرف المتكرشون قرص الجوع


    ايها الناس هذه ايام المدّة وايام الصدقات


    ولعل الهزة الارضية قرصة تنبيه


    الاخطبوط السودانى


    لو جاء اخطبوط فى السودان وخيرناه


    *من سيكون رئيس الاتحاد


    *هل سيستقيل الارباب ام الوالى


    *من سيفوز بكاس الدورى..مريخ ام هلال


    *من هو الصيق الذى سيستعين به شداد


    *من هو ........ ولا تنسوا ان تضعوا الخيارات امام الاخطبوط


    لمن الكاس العالمى


    نكتب قبل المباراة


    ونفرح ان الفائز بالكاس جديد كرت كرتونة


    نفرح مع امستردام


    ونحتفل مع الاندلسيين


    *نحن اليوم فى الحياد


    *ولكنا فى حزن شديد


    لقد تعودنا على اصوات الفوفوزيلا


    *ادمناها باكثر من الفول


    *سنشتاق للجيبولانى


    *تلك الكرة الاشد سرعة من يد نشال


    *لكنا فخورون بافريقيا


    *اتمت العرس واعطت العالم اجمل شهر عسل الاطلاق


    *كانت العروس وام العروس


    *اليوم نفخر بها كما كنا على الدوام


    *وندعوا ونتداعى لانجاح البطولة المحلية التى ستقام هنا فى الخرطوم


    وسيتزامن ذلك المهرجان مع الاستفتاء لوحدة البلاد هذه ولا نقول او الانفصال ذاك بان نشيدنا باق


    منقو قل لا عاش من يفصلنا
    [/frame]

  4.  
     
  5. #3
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    44

    افتراضي من هنا وهناك

    [frame="4 100"]
    معسكر ناجح لجمهور المريخ



    *جمهور المريخ دخل معسكرا مقفولا بحضوره لفعاليات كاس العالم


    *عرف طرائقا جديدة للتشجيع


    *وسيصطحب معة الفوفوزيلا


    *تدرب كثيرا


    *وزهج من المشاهدة خلف حجاب الشاشات


    *كما ان كاس العالم لم يملا عينه


    *مريخ وبس


    مما يعنى ان الجمهور جاهز باكثر من اللاعبين


    *معسكر الجماهير ناجح


    *لم يتخلف احد عن الحضور


    *ومانام احد


    *لهذا ستجدونه لياقته فل


    *وحتى عطره ياسمين


    *يا سلام منو انا اه ياسلام


    *واعتماد المريخ على جماهيره اصبح كثيرا


    *قد تصنع الجماهير الفارق اذا كانت مباراة الرد هنا


    *لكنها هناك


    *فى بلاد سيكون المريخ فيها


    *غريب الوجه واليد واللسان



    *ان الجمهور اكثر استعدادا


    *راى وشاهد الكثير الذى سيطبقه


    *لكن مباريات ال


    Mbc3


    *لا تخلق اطمئنانا


    *ويبقى الفتى العربى مثل الحلم العربى


    *مثل ضوء الفوانيس البعيدة


    الاتعب عيونك وانطفأ


    *على العموم سنكون فى الموعد


    *وسنحاول ان نمسك ايادى الاخطبوط بول


    *ما ذهبت لغير المريخ


    *وسنكون فى الحضور باكثر من الجابولانى


    *وفى الصياح باكثر من الفوفوزيلا


    *وفى التنبؤ للمريخ باكثر من الاخطبوط بول


    والتمساح الاسترالى


    *واللبغاء الهندى


    *وسخل ناس حبوبتى


    *سخل ناس حبوبتى اذا دخل الى حجرتها


    *معناها المطرة حاتصب


    *واذا عاف الرضاعة معناها فى غبار


    *واحد حايحكها ويقول ليه


    *اقول ليه:هسى فى واحد سأل الاخطبوط


    * على كل نحن فل الفل


    *جاهزين جاهزين


    *وبالاحمر


    *فى ناس من صيد البلد قالوا اسبانيا شالت الكاس علشان لابسة ازرق


    *ليه ايطاليا كانت بالبرتقالى لما طارت


    *فرنسا كانت بالبنفسج لما ودعت


    *انتوا زاتكم 80 سنة مافى حاجة


    *اصحوا للون بقى


    *الاسماعيلى لعبتوا ضدوا بالبنى والا شنو


    *كنتوا لابسين طوبى ضد الترجى


    *والا حى العرب علشان غلبكم بالازرق


    *والا ناس كادقلى علشان غلبوكم بالازرق


    *ويجى يس يقول ليك لا شى سوى اللون الازرق


    *نحن فى المحيط والا شنو


    *نرجع لموضوع الجيش الغازى


    *نحن بندحروا


    *لكن بعدين لما اللاعبين يطاردوه نحن ما حانكون فى


    *اعملوا حسابكم دحين


    *هنا ما حا ياكلوا معانا ديش


    *بصلتهم نحن كشناها


    *والمريخ مافيهو من يقول يا ماما


    *ولا واحد بقول للجزار عليك الله ياعمو قشر لينا الخروف ده


    *نحن بناكل النيئ


    *واللاا شنو يا لب


    *لكن اخر لحم ما استسغناه


    *اىنعم كان نيئ


    *لكن فيه حبة (نمسة)


    *صعود المجموعات غايتنا


    *لابد من ذلك


    *ولانها معركة ضد جيش


    *فاننا سنكون فدايئن


    *ولقد اقترب السبت


    *ونتوقع امطارا


    *ولقد راينا ان المطر لا يحبس الجمهور


    *مش قلنا ليم نحن معسكرين


    *بس عندنا اقتراح


    *ان تمر بصات الولاية باستاد المريخ


    *تحمل المنصرين الى منازلهم


    *بعد النزال


    *ولتسمح لى جماهير المريخ ان اتحدث باسمها


    *فان فخرى بانى منها كبير


    *نحن جاهزين موية ونور


    *انتوا مهند التركى اسمو موية والا شنو


    *الدرب البجيب كمش القروش مو هين

    وما بمشيهو ديك بيوتن اب جليدن لين

    الولد البقوم من ام حمد مدين
    غصباً عنو يالساحر يسوقن بين






    *وبسوقهن بين بيان


    *هيا نفتح البيبان والطاقة والتعدين


    *وعارفكم زى انا مشتاقين


    *ها انا احضر فى كلام الريد


    *العارف ما حا اقولوا


    *ما سمعتو صلاح مصطفى شن غنى


    *نحضر فى كلام الريد


    كيف نبدأ ونقول ليكا


    ودايما لهفة الاشواق


    تنسينى وتنسيكا


    *لكن لو انت نسيت انا ما نسيت


    *وما بنسى ليلة ...


    *من اليوم نحن غاز


    *كبريته التسخينة بس بتولعو


    *امـــلالنـا الكــدوس تمبكنــا ياعبـــاس

    مابـترضى أم خدود جيبـــة الزمليبـــاس

    دا الجابر على الحــارة أم ضــرب رصاص
    نحــن نـــدركا وعقــب الكريم خلاّص






    *ونحن مدركنها


    *ومدركين اننا مدركنها


    قد مات شهيدا يا ولدى


    من مات فداء المحبوب


    *وحبى للمريخ فاق الظنون


    *واخلاصى باق مع الزمان

    *و..............
    [/frame]

  6.  
     
  7. #4
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    44

    افتراضي من هنا وهناك

    [frame="9 100"]
    من اين اتى هولاء؟!



    المتمردون باتوا خارج المعسكرات


    المتمردون غابوا عن التمارين


    ناموا


    تاخروا


    ولهذا كان سقوطهم امام الجيش النيجرى متوقع


    المريخ الحالى لا يستطيع قرع الممتاز


    كل حاجة جفلت


    مثل النكتة


    الصداع راح


    الديجتل راح


    التلفزيون راح


    والموبايل 2700


    المريخ كان مع ايداهور


    وكان مريخا سيئا ايضا


    ولن احمل كاربونى وزر ما كان


    كاربونى لم يك كاسروكا


    ليمرر للخصوم


    لم يك النفطى ليضيع ركلة جزاء


    لم يك وارغو


    الجاى يرد للمواسير كرامتها


    كاربونى كان قليل حيلة


    لم يحرس المرمى متكبكبا


    كمحمد كمال


    لم يطير جوز اهبل


    مثل بلة جابر


    لم يجعل الناس تضرب كفا بكف


    ان سعيد السعودى يلعب فى المريخ


    لم يك لاسانا


    لينوم فى الغرفة والميدان


    لم يك عبد الحميد السعودى


    الصائم ديمة


    الظاهر فى غير الحوجة اليه


    كاربونى ليس سفارى


    ملأ الرصيد قروش


    فلماذا يلعب


    ليه يتعب


    المريخ كان مهزوما منذ ان هزمه الهلال


    كل ناد كان اقوى


    ولكنه اثر ان يبارى ناس الفتى العربى


    واتحاد المعلمين


    وفتيان الغد


    وصبيان الحلة


    حتى اذا ما قابلوا الخرطوم


    علمت الجماهير ان هذا خيال مأتة


    هواب


    ضاعت الملامح


    وتوارت الارادة


    تطايرت الفرص


    ولكن من يملك الجراة


    المبادرة او الموهبة


    ونتسأل :


    من اين اتى هولاء؟


    هولاء لايشبهون المريخ


    مقدار خردلة


    مسكينة هى الجماهير


    تخدع فى نفسها


    فتنغلق نفسها


    مجبورة هى الجماهير التى تحضر


    وكالمجبورين يلعب اللاعبون


    هناك حاجة غلط


    هولاء مثل ولد


    وفر له والده كل شى


    ومع ذلك لا ينجح


    ليتها كانت مباراة الاياب


    الله لينا من القادم


    ترانا ما ناقصين


    نحن بنلعب ناقصين


    تيم فيه سعيد وحميد ووارغو العنيد بيلعب ناقص


    بقينا ماشين بالناقص


    ونطالب بالبتر


    بالضرب بيد من حديد


    هل سنواجه اكثر من هذا


    هل نخاف قادما انيل من حاضرنا


    من اين اتى هولاء


    هولاء لا يشبهون المريخ


    قلنا لاكاس بدون حراس


    وقد نتنازل ونقول


    ولا وصافة
    [/frame]

  8.  
     
  9. #5
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    44

    افتراضي من هنا وهناك

    [frame="5 10"]
    الارض دارت بكابس الزيمبابوى



    الارض المعنية هى ارض استاد الهلال


    فعند كل خماسية تدور بلاعبى الفريق المغلوب


    وقد تخرج صحف كابس تقول: شربوا اللاعبين عصير


    وراس رقم خمسة لفّ


    لفة لفة لفة


    تحول موبوتو الى سادومبا


    هسع عليكم الله لفة الراس دى ما ظاهرة


    النجيلة دى تلفف صينية خليك من راس


    ياخى راس الحربة لفّ


    الله يستر على راس الشهر


    منير لما دخل عمل حركة بتاعة لفة راس


    بالله الناس دى ما فاهمة لقدر كده


    جاء يحاكى بدع


    بدع مش ابدع


    والحاجة العاملة لى ترشيح فى اتحادى العام


    هذه الفرحة الهستيرية


    اتاريهم نايمين على جنس غباين


    وصلوا مرحلة الضحك بلا سبب


    الواحد فيه يلاقيك يأشر ليك باصابعوا الخمسة


    ليه قبل كده كانت مقطوعة فى سرقة!


    والا كانت مجزومة


    الغريبة حكاية مقبرة الابطال رجعت تانى


    يعنى هسى كابس ده بطل


    سمعتوا نكتة الولد البيسأل فى ابيه


    بابا انت النيل بينبع من وين؟


    -والله ما عارف


    بابا انت الامام المهدى اسمو منو؟


    _ صدقنى ما عارف


    بابا هو الشال كاس العالم القبل الفات منو؟


    _- ما متزكر


    بابا هو اللى فتح مصر مين


    _ ما عارف


    وهنا انتهرت الام ولدها : كفاية يا ولد


    فصاح فيها الوالد: مالك معاهو خلى الولد يتعلم!!!!!


    يتعلم من الايام


    صدقونى الجماعة ديل لو شالوا كاس بقفلوا النادى للابد


    ويقعدوا ينظروا


    لو لاقينا النادى الفلانى بنغلبوا


    وفى صفحاتهم يطلعوا


    تاريخ ندر


    بالضبط تاريخهم نادر


    نادر خضر...............


    تاريخ ابيض


    ده فريق ممكن يكون دعاية صابون


    يجيبوا الصابون المستهدف


    الصابون يغسل فى كتاب التاريخ


    وبعد شويه تجى واحدة تقول صابون كذا يجعل ملابسك


    انظف من تاريخ الهلال


    نظافة من مجاميعو


    موضوع المنشطات فى تونس اتغسل


    الهروب من وفاق اسطيف اتنظف


    تعيين الهجين اصبح كلين


    موضوع الثعلب وكندورة اتشطف


    اريتوا صابونى يا بت امى


    واحد قال لى هو الثعلب جاب قون فى قونو ام فى قون الخصم


    قلت ليه ده مكار الاتنين بسويهن


    ونسأل:


    هل سيفوز الهلال بخماسية مرة اخرى على حابس كابس


    لو اعيدت المباراة على مستطيل الملعب الاغبر


    ان فرحة الجماعة ناس صيد البلد تجاوزت الحدود


    وفرحتهم ليست لخماسية الحكم الجزائرى


    ولكن لان المريخ تعادل


    تعادل المريخ حسبوه فوزا لهم


    واضافوه الى حمامهم


    واذا قابل الحمام حمام


    كانت الغلبة للمعاه الحكام


    والرشيد المهدية قال دى ما ضربة جزاء


    دى ضربة شمس يا رشيد


    قبل كده دقت الكورة فى الظهر فصفر الحكم


    الهجين بقى ما بينفع


    الا الرقابة الذاتية


    ولقد وضعهم الكاف تحت المراقبة


    كما يفعل البوليس مع اهل السوابق


    ان الذين فرحوا بخبط العشواء


    سيبيتون بلا عشاء


    والعشاء كاس يا ود الناس


    والكاس الوصول اليه صعيب


    فهل نقول ان الهلال على خطى مريخ 2007


    الوصول الى المجموعات


    وتصدر احدها


    ثم اللعب على الكاس


    هم بحاكوا


    وسيعودون يتباكو


    واى زول يلم باكو


    مسألة زمن


    ويعودون من جديد


    مثل ثور الساقية


    والباقية باقية


    مهما كان ........ وسيكون


    الذى يبقى عنوانا


    ويبقى اصلا


    المريخ اولا


    سيد البلد الحقيقى مهما كثر الفوتو كوبى


    ومهما ادعى سواه ذلك


    المريخ لا تهزه رعشات الاغصان


    لان الصقور لا تتخز اوكارها على الشجر


    والذى يضايق ان المريخ مهما توقف يبقى قطارا


    وتبقى الترلة ترلة


    ويبقى ود الحلة


    من ناس يا يمة زيدى الكسرة


    وفوق فوق


    وغدا ينعون لكم الهلال


    انتوا الهلال ده قام بعاتى والا شنو


    ولو كان بعاتى يريد ان يخيفنا


    نقول له ما قاله صلاح جاهين


    اذا جالك العفريت عشان يقتلك


    قولو لما اتقتلت اول


    ليه ما دافعتش عن نفسك!!
    [/frame]

  10.  
     
  11. #6
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    44

    افتراضي من هنا وهناك

    [frame="5 10"]
    شكرا شداد



    ونرفع القبعات


    نرفع العمم والطواقى


    ونقف تحية اجلال لرجل سعى نحو النجاح


    اصاب بعض


    واخفق فى كثير


    وان الاوان ان نقول له شكرا


    على ما قدم


    ونعفو عن عجزه


    فقد دارت الايام


    والايام دول


    والت الى غير شداد


    صحيح ان شداد ما كان له ان يترشح


    حتى يبعد بهذه الطريقة


    لكنها الطريقة الوحيدة لابعاد المكنكشين فيها


    وليت المور تقف عند هذا الحد


    بلا تلويح بمحاكم دولية


    ولا لى يد بعلاقات


    نريد ان نكتب غدا مرحبا بالدكتور


    فان التنافس رسا على دكتور ورجل اعمال


    والدكتور اقرب


    ............................................


    *هل دقس مجلس المريخ للمرة المائة


    وهو يسحب مدنى الحارث لصالح حسن عبد ىالسلام


    لقد كتبت قبل ثلاثة ايام عن ان العطبراوى لن يترك جمال ابوعنجة


    *وامس قرأت فى عمود الاستاذ مزمل زات التلميح


    *بمعنى ان المدفوعين ليسوا واحدا


    *وان هناك من يتحرك ضد المريخ


    *ولانحكم بالضمائر


    لنا الظاهر


    والظاهر ان هناك من يدفع الذين يهاجمون المريخ


    *العصفورة قالت لنا ذلك


    *قلنا لها مش معقول


    *فاعطتنا اسئلة مشروعة


    *من يهاجم المريخ على الدوام


    *من يستقصد رئيسه


    *ورئيس المريخ هو المريخ


    *فان راس كل شى هو تميمة كل شئ


    *فان الوالى هو المريخ


    *حتى اذا ما جاء غيره كان غيره هو المريخ


    *ولو كان القادم هو المحرض


    *لا نقول ظنا


    *فان الامر اوضح من عورة شاة


    *................................................. ...


    *حين تولى الاخ حاتم عبد الغفار امر الكرة فى المريخ اسميناه(حاتم المنى)


    *ولا زلنا نتمنى له التوفيق


    *فان حاتما لم يقصر فى اداء واجبه


    *ولقد نالته من السهام ما نالت كل شئفى المريخ


    *نال اللاعبون حقهم من التقريظ


    *ونال مجلس الادارة


    *والجهاز الفنى


    *والاعلام


    *واخيرا الجمهور


    *ولعل ما يرجع كل شئ الى اصله هو ان يصعد المريخ متخطيا جيش النيجر


    *وهو امر صعب ما استصعبناه


    *سهل ما وثقنا فى المريخ


    *والمريخ هو نفوسنا


    *ان المباراة القادمة تحمل لنا اشياء كثيرة


    *ونريد ان نقول ان المريخ هو الفرس الحر الوحيد فى كل شوط السباق السودانمى


    من غيره وهب لنا ما وهب


    من غيره كسان _كساكم- بالذهب


    *هيا يا رفاق ايداهور


    ارسلوا الى قبره ورده وتزكار


    .........................................


    يزعم اهل صيد البلد هذه الايام اننا نحاكيهم


    الذين سجلوا الزنزون بعدنا


    وطاردوا الدافى


    قالوا اننا حاكيناهم بالتبارى مع كابس


    دعونا نقول لهم صااااااااااااااااح


    نحن حاكيناكم فى كابس


    لكنكم عجزتم عن محاكاتنا فى كاس


    (الباء) التى بين كاس وكابس تمتد موصولة الى 80 سنة من العقم


    *حتى كاس الانابيب بتاع بنى ياس


    عجز ان يناديهم ببابا


    *ان الفرق ما بين صاحب الكؤؤس


    *والطوابق


    *والتاريخ


    *لا يحتاج الى ان يحاكى


    *من حمل الذهب هو ...وكاكى


    *فعجل اللهم ببيضة لمن ما فتئ يكاكى


    *انهم المقدم


    *والمقدم ما بوصل


    *انهم مساعد الياى الزى يعنون


    *وصلوا النهائى الافريقى مرتين


    *وصلوا النهائى العربى مرة


    *والنتيجة


    *كعك .... بلا عيد


    *اعد بلا تعلم


    *صدقونى ان من مصلحة الوطن ان يصعد المريخ


    *فالمريخ هو الفريق السودانى الوحيد الذى اكل الكتف


    *مضغها مضغ


    *ولا يزال يتجشأ منذ سنوات


    *اتدرون لماذا يريد ميشو الفرار


    -قالوا ان الاسد مرض ودعا الحيوانات اتعوده فى مرضه


    لكن كل من دخل ما خرج


    وبعد ان تعافى لاقى الثعلب فعاتبه: ليه ما زرتنى فى مرضى يا ثعلوب


    فقال ثعلوب: والله يا جلالتك جيت لحدى باب عرينك لكنى وجدت اثار اقدام داخلة ولم ار اثار اقدام خارجة


    *دحين انتوا كامبوس مرق والا...................جب
    [/frame]

  12.  
     
  13. #7
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    44

    افتراضي من هنا وهناك

    [frame="4 100"]
    مدرب العدو فى قبضة المريخ



    *تحدث الاستاذ رمضان امس عن تحركات العدو تجاه ميشو


    *وذلك بعد اقالة كاربونى المرتقبة


    *بمعنى ان العدو هو المريخ


    *وتلك كلمة ما كان لها ان تخرج من الاستاذ رمضان


    *هناك عشرات المترادفات يمكن ان تحل محل كلمة العدو


    *وان كان ميشو فى طريقه للمريخ


    *فان ذلك لايعد عداء


    *لماذا اصبح الهلال يخاف من المريخ لهذه الدرجة


    *هل انتفت الندية ..... لتكون كلمة العدو ابلغ واوقع


    *على العموم نتمنى ان يعتذر رمضان عن كلمته هذه فان فيها شططا


    *كما ان ميشو لن يختطف اختطافا


    *شيك من اياهم ثم قطعة ارض ويبقى


    *امال لو اتغلب خمسة كان عمل ايه


    *يعنى غالب مدرب شارد


    *مغلوب مدرب شارد


    *ونشرد.. ان وردنا الماء صفوا


    *هو اسمو...ميشو


    *يعنى ما بقعد


    *جيبوا مدرب من تنظيم القاعدة


    *عشان يقعد


    *لكن طلاق يوم الصبحية


    *يطرشنا الا فى المسلسلات


    *فى المسلسلات زاتها بتجى انتقاما او تمهيد لانتقام


    *والعريس ماشى اديس


    *ابا ليهم ومشى ابابا


    *اديس كديابا


    *اوعى يكون سافر الساعة خمسة


    *خمسة مساء يعنى بتاعة مازيمبى


    *خمسة صباح دى شيلوها قدام كابس لامن يكبس الضلام


    *مدرب العدو..........لحدى كم؟


    *مدرب البدو....... بتاع رواعية الضان فى الخلاء


    *واحدة جدها مات يوم بارتى عيد ميلادها قالت:


    ياااااااى جدو ده ما بالغ عديل كده..........


    *ويااااى يمشى بعد هذا النصر


    *لكن هو ماشى وين؟


    *وماشى مالو؟


    *يكون خايف على مالو


    *ام فى حاجة فى بالو


    *والا بفتش على بلالو


    *بلالى بلالى بلالى السادة وااا نارى


    *ما بستحمل كفتو


    *ودعنى وشال شنطو


    *حزم حقايبو وهجر حبايبو


    *اوعى يكون نسى حاجة


    *مافى مشكلة لو نسى حاجة


    *ماهو جاى راجع عدو ...للعدو


    *يكون عندو حساسية ضد الجفاف


    *ممكن النجيلة تكون عملت ليه نفسيات


    *يجوززعل من العجوز


    *انا خائف يكون هارب من مباراة الرد


    *ممكن الصدفة ما تتكرر


    *والا اااااااااااه احتمال جاى مدرب للمنتخب


    *لما يجى الارباب رئيسا الاتحاد


    *انتوا الارباب ده دائر رئاسة اتحادنا والا اتحاد جدة


    *احتمال ميشو يكون ماشى وجاى مع زيادة النيل


    *انتظروه فى الاحباس العليا


    *فى النشرة الجوية


    *عند توتى ساعة عجبونى الليلة جوا


    *الخوف يمشى لحدى سد مروى


    *والله يا مدرب العدو بدعتّ


    *الناس قايلنهم قرطوا عليك


    *اتاريهم فرطوا فيك


    *انشاء الله تلفون كامبوس ما ضاع منكم


    *احتمال يكون الارباب اعارو مدربا لاوكبى النيجيرى


    *يكون هسى كامبوس بيدرب فى امولادى وكواريزما


    *ويكورك : كواريييييييييييزمااااااااااااااااا


    *ميشو ده قالوا عواف شديد


    *مرة لقى فى البطيخ حب اسود نفسو ما شالتو


    *ده ما بياكل الطماطم بتخيلها دم


    *تميشو وتاخدوا غيرها


    *الميش ماشى لى خبازو


    *ما بتاكلوا معانا ميش


    *هو اصلا اسمو بالصربية (ميشغ)


    *اهاااا لوقلبتوا الاسم بتلقوا اسمو (غشيم)


    *غايتو عندو جنس غشامة


    *واحد غشيم اشترى مسدس جربو فى روحو


    *مش احتمال ميشو ده يكون بعد كل نصر بسافر


    *سفرو امبارح قالوا


    *ياناس


    *انتوا


    *مالكم ومالو


    *مالكم ومالو


    *مين الى عايز يشيل مالو


    *بالتشيل نوم عيونو


    *بالتشيل روحو


    *بالتشيل مدربو.....................................!!!!!!!! !!!
    [/frame]

  14.  
     
  15. #8
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    44

    افتراضي من هنا وهناك

    [frame="4 100"]
    هيا جميعا نحتفل بسقوط محمد سيد احمد



    *لم يتفق المريخاب والهلالاب قريبا على شئ


    *مثلما اتفقوا على فرحة سقوط محمد سيد احمد


    *فى انتخابات الاتحاد العام


    ولولا سقوط صلاح ادريس المدوى فى زات الانتخابات لربما اقيمت الاحتفالات والليالى الملاح وزبحت الزبائح ووزع الثريد


    لكن اسباب الفرحة مختلفة


    فالهلاليون يريدون ان يشمتوا فى الرجل الذى يقف لهم الف احمر


    حتى اصبح بعبعا مخيفا لهم جميعا


    هددوه ان يدخل استادهم


    فدخله دخول الفاتحين


    جمعوا له الاعداء وامدوهم بالعدة والعتاد


    فما زاد شيخ العرب الا عناد


    *وفرحة المريخاب بسقوطه لانهم خافوا ان يبتعد عن مريخه


    هم يرجونه للقادم القريب


    حين يدخل مجلس المريخ


    ويشهر سيفه المهند مدافعا


    ويعمل رايه السديد


    اقول ما اقول بين يدى مناداة منبر مريخاب اون لاين لتكريمه


    يريدون ان يقولوا له شكرا على شجاعة افتقدوها كثيرا


    على قوة يحتاجونها كثيرا على مريخية لتكاد تلبس كلماته النجوم


    وتلامسها


    الاخوة فى منبر مريخاب اون لاين يريدون ان ينيبوا عن كل مريخى بشكر رجل لم يدخل المجال التنفيذى فى المريخ


    فكيف لو دخله


    ولقد هانت مصيبة ناس صيد البلد فى سقوط الارباب


    لما وجدوا ان محمد سيد احمد لم يحالفه الحظ


    ولكن محمد سيد احمد كان حاضرا يهلل ويكبر


    فاز حليفه فكفاه


    ولا عزاء للذين حملوا التلفون يستجلون جلية الخبر


    حتى دهاهم فى مكامنهم سقوط لم يصل الى حق الحكومة


    ايييييه يا محمد سيد احمد


    امتالات الاعمدة بالشماتة عليك


    وانما كانوا يخافون ان تاتى عضوا


    ترى كيف كان حالهم لو ترشحت للرئاسة


    لكانى بهم سيتركون البلاد


    لكنك مدخور للمحبوب


    فرسك فى المريخ يصهل


    وفى قيده يناتل


    نحتاجك


    ونحبك


    قالها لسان الحال قبل عظمة اللسان


    وقالها ناس مرهف


    ورياض


    ومناع و


    ايهاب


    والبرنسيسة


    والبقية التى لها العتبى


    ولها الحب


    سيكرمونك على النية


    فكيف ان فعلت


    وعلى الذين يتراجفون من خيالك


    ان يستعدوا لحضورك الفعلى


    هم يخافونك


    ونحن نحبك


    ومابين هذه وتلك


    يبقى محمد سيد احمد املا


    ووعدا


    وبشارة


    ونفرح لسقوطك


    كما سيغضب له الذين تكالبوا ليسقطوك


    غدا سيقولون: اريتوا لو فاز برئاسة الاتحاد


    فان شوكة الحوت اراها تتجه نحو حلوق يجرحها الكاسترد


    سياتى محمد سيد احمد لمجلس المريخ


    بامر جماهير المريخ


    وبمباركة اعضاء نادى المريخ


    امحمد ما بقعد احتياطى


    امحمد احتياطى نفطنا


    وثرواتنا التى لم تستغل بعد


    محمد سيد احمدجايييكم


    لوكوا الصبر


    كما ستتمنون ان تلوكوا كبدته


    ذاك رجل يقول للاعور يا اعور


    ويدفع بلا انتظار


    ابو العائلة الجديد قادم


    واه لو كان مع الوالى


    انذاك اى مخزل يشوفلوا والى


    نسى المرجفون ان الارباب سقط


    فاخزوا يفرحون باللقط


    ولو سقط برجاس


    وكل الحلف الازرق


    عندهم فداء ان يفوز محمد سيد احمد


    لكن محمد لم يات اوانه بعد


    ينتظر دوره بلا عجلة


    يعرف ان تلك السحائب لن تصب او تهطل فى غير ارضه


    ويدرى انه سياتى فى يوم ما


    ولا نريده نحن


    نريد محمدا فى نادى المريخ


    يرسل شذر نظراته للذين على حرف


    ويمد يده الطويلة للاحباب


    كما يتمنى


    وكما نرجو


    ولقد قالها:


    لن نسمح لصلاح ادريس بان يعوث ويعوس فى الكرة السودانية


    على جثتى


    وقد كان


    الكاتل جنب الكاتلو مات


    كان الفدائى الذى ضحى بنفسه


    فعاشت الفكرة من بعده


    وتكبيره وتهليله ليس انهزاما


    محمد كرار


    لا فرار


    وسيجى بفراره نحو كل شجرة ضنت بظلها وثمرها


    واقصرته على نفسها جشعا وانانية


    لمزيد من المعلومات برجاء العودة لقصيدة التينة الحمقاء


    لايلياء ابو ماضى


    او الرجوع الى المثل الخستكاوى الشهير


    لو انت واقع من السماء


    انا الدافرك


    *ونحن داخرين محمد سيد احمد


    *طامرنوا


    وداسنوا


    واوان حوجته


    وحوبته


    ديسمبر من هذا العام
    [/frame]

  16.  
     
  17. #9
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    44

    افتراضي من هنا وهناك

    [frame="7 90"]
    هيا جميعا نحتفل بسقوط محمد سيد احمد


    *لم يتفق المريخاب والهلالاب قريبا على شئ



    *مثلما اتفقوا على فرحة سقوط محمد سيد احمد


    *فى انتخابات الاتحاد العام


    ولولا سقوط صلاح ادريس المدوى فى زات الانتخابات لربما اقيمت الاحتفالات والليالى الملاح وزبحت الزبائح ووزع الثريد


    لكن اسباب الفرحة مختلفة


    فالهلاليون يريدون ان يشمتوا فى الرجل الذى يقف لهم الف احمر


    حتى اصبح بعبعا مخيفا لهم جميعا


    هددوه ان يدخل استادهم


    فدخله دخول الفاتحين


    جمعوا له الاعداء وامدوهم بالعدة والعتاد


    فما زاد شيخ العرب الا عناد


    *وفرحة المريخاب بسقوطه لانهم خافوا ان يبتعد عن مريخه


    هم يرجونه للقادم القريب


    حين يدخل مجلس المريخ


    ويشهر سيفه المهند مدافعا


    ويعمل رايه السديد


    اقول ما اقول بين يدى مناداة منبر مريخاب اون لاين لتكريمه


    يريدون ان يقولوا له شكرا على شجاعة افتقدوها كثيرا


    على قوة يحتاجونها كثيرا على مريخية لتكاد تلبس كلماته النجوم


    وتلامسها


    الاخوة فى منبر مريخاب اون لاين يريدون ان ينيبوا عن كل مريخى بشكر رجل لم يدخل المجال التنفيذى فى المريخ


    فكيف لو دخله


    ولقد هانت مصيبة ناس صيد البلد فى سقوط الارباب


    لما وجدوا ان محمد سيد احمد لم يحالفه الحظ


    ولكن محمد سيد احمد كان حاضرا يهلل ويكبر


    فاز حليفه فكفاه


    ولا عزاء للذين حملوا التلفون يستجلون جلية الخبر


    حتى دهاهم فى مكامنهم سقوط لم يصل الى حق الحكومة


    ايييييه يا محمد سيد احمد


    امتالات الاعمدة بالشماتة عليك


    وانما كانوا يخافون ان تاتى عضوا


    ترى كيف كان حالهم لو ترشحت للرئاسة


    لكانى بهم سيتركون البلاد


    لكنك مدخور للمحبوب


    فرسك فى المريخ يصهل


    وفى قيده يناتل


    نحتاجك


    ونحبك


    قالها لسان الحال قبل عظمة اللسان


    وقالها ناس مرهف


    ورياض


    ومناع و


    ايهاب


    والبرنسيسة


    والبقية التى لها العتبى


    ولها الحب


    سيكرمونك على النية


    فكيف ان فعلت


    وعلى الذين يتراجفون من خيالك


    ان يستعدوا لحضورك الفعلى


    هم يخافونك


    ونحن نحبك


    ومابين هذه وتلك


    يبقى محمد سيد احمد املا


    ووعدا


    وبشارة


    ونفرح لسقوطك


    كما سيغضب له الذين تكالبوا ليسقطوك


    غدا سيقولون: اريتوا لو فاز برئاسة الاتحاد


    فان شوكة الحوت اراها تتجه نحو حلوق يجرحها الكاسترد


    سياتى محمد سيد احمد لمجلس المريخ


    بامر جماهير المريخ


    وبمباركة اعضاء نادى المريخ


    امحمد ما بقعد احتياطى


    امحمد احتياطى نفطنا


    وثرواتنا التى لم تستغل بعد


    محمد سيد احمدجايييكم


    لوكوا الصبر


    كما ستتمنون ان تلوكوا كبدته


    ذاك رجل يقول للاعور يا اعور


    ويدفع بلا انتظار


    ابو العائلة الجديد قادم


    واه لو كان مع الوالى


    انذاك اى مخزل يشوفلوا والى


    نسى المرجفون ان الارباب سقط


    فاخزوا يفرحون باللقط


    ولو سقط برجاس


    وكل الحلف الازرق


    عندهم فداء ان يفوز محمد سيد احمد


    لكن محمد لم يات اوانه بعد


    ينتظر دوره بلا عجلة


    يعرف ان تلك السحائب لن تصب او تهطل فى غير ارضه


    ويدرى انه سياتى فى يوم ما


    ولا نريده نحن


    نريد محمدا فى نادى المريخ


    يرسل شذر نظراته للذين على حرف


    ويمد يده الطويلة للاحباب


    كما يتمنى


    وكما نرجو


    ولقد قالها:


    لن نسمح لصلاح ادريس بان يعوث ويعوس فى الكرة السودانية


    على جثتى


    وقد كان


    الكاتل جنب الكاتلو مات


    كان الفدائى الذى ضحى بنفسه


    فعاشت الفكرة من بعده


    وتكبيره وتهليله ليس انهزاما


    محمد كرار


    لا فرار


    وسيجى بفراره نحو كل شجرة ضنت بظلها وثمرها


    واقصرته على نفسها جشعا وانانية


    لمزيد من المعلومات برجاء العودة لقصيدة التينة الحمقاء


    لايلياء ابو ماضى


    او الرجوع الى المثل الخستكاوى الشهير


    لو انت واقع من السماء


    انا الدافرك


    *ونحن داخرين محمد سيد احمد


    *طامرنوا


    وداسنوا


    واوان حوجته


    وحوبته


    ديسمبر من هذا العام
    [/frame]

  18.  
     
  19. #10
    إعلامي مريخي
    رقم العضوية : 1718
    تاريخ التسجيل : Jan 2010
    المشاركات: 252
    التقييم: 50
    معدل تقييم المستوى
    44

    افتراضي من هنا وهناك

    [frame="7 10"]
    ] تشابه شداد والترابى]



    وشداد يسن سيفه


    وصلاح ح سعيد يصقله


    صلاح يركب فرسه


    وشداد كانه عنترة يفعل كذلك


    ويصيح صائح منهما : هل من مبارزط


    ويستجيب الاخر


    وكعب اخيل بائن وواضح


    وتشتد المبارزة


    ويثار الغبار



    ويحمى الوطيس


    والمهزوم فطيس


    والمديدة تمد


    والحراشون يتكاثرون


    ويقوى القتال مثل ايميل الخرطوم اثنين


    نرجو ان تجئ قوة دولية لفض النزاع


    وعنى شخصيا فقد ضربت ال999


    .................................................. .....


    مستر بلاتر كان بيعمل مس كول ومسيو شداد يرجع ليه والا شنو


    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,


    عشان كده الدى اتش ال كان ما معترف به


    .................................................. .


    رئيس اوكبى يونايتد بكون عندو نصيب الاسد


    .................................................. .......


    انتو سا سا سا سافر والا ما سا سا سافر


    .................................................. ..


    امو بقت كويسة مرضت مرتو


    .........................................


    غايتو مرض ابوه ما يصادف التسجيلات


    ..............................................


    والديون للاعبين 8 مليار


    الكترابة


    .........................


    8 مليار عار عار عار


    منطقة صدى صوت


    ........................................


    ليه فواتير تلفونات والا شنو


    ...............................


    احلى حاجة كتابة الرئيس المؤقت


    احلام الفريق الطائر دى اصلوا ما بتنتهى


    .................................................. ...


    كان عمر بن العاص يخطب فى مسجد الفسطاط بمصر


    خطبة الجمعة


    فكان هناك رجل يقاطعه دوما


    من امك؟


    وعمرو يتجاهله


    من امك؟


    وعمرو يطول فى روحه ويستمر خطيبا


    من امك؟


    وهنا قال عمرو :


    انما امى كانت جارية للعاص بن وائل


    فاعتقها وتزوجها فانجبانى


    فمن (حرشك ) لتقول ذلك على ان يعطيك شيئا فخذه!!!!!!!!!!!


    فى ذمتك يا مزمل عمرو ده ما داهية


    .................................................. .......


    مجموعة رسائل فى الجوال تبدى اعجابه بحديقة السوبر


    التى كان لى شرف تنسيقها


    سعدية كانت الاولى


    توفيق الثانى


    واخرون ارقامهم عندى


    والسوبر يا احباب توعدكم بان تكون كلها حدائق


    هذه غابة قرنفل


    وابو بكر عابدين صندل!!!!!!!!!!!!!!!!


    .................................................. ...............


    سافر المريخ الى النيجر


    ودعته الدعوات وهناك تنتظره


    ومن هسى لو طار المريخ


    وهو امر غير مستبعد


    فاننا لن نقسو عليه


    سنفوت الفرصة


    على المتربصين


    وسنناور ميشو


    او


    ميشو حا يناورنا


    حا ينورنا


    عليكم نور


    وعلينا مهند


    .............................


    الدجاج خارج القفص على مسؤلية (ديونه)


    .......................................


    ما ان علم المرجفون استقبال الجماهير


    لمحمد سيد احمد


    حتى كتبوا يقدحونه


    تانى الراحة مع سر الختم


    تشموها قدحة


    ..................................


    ومعتصم وان كان مؤقتا فانه قد قدم شيئا


    كان بديلا للديناصور


    اعطانا الامل فى اسم معتصم


    ...................................


    وداعا للابد لكمال حامد


    كما ل حامد شبع


    او مفروض ان يكون شبع


    كل منصب يريده


    لا يريد ان يعطى الاجيال الجديدة فرصة


    ولا يريد ان يرتاح


    لكنه اجبر على الراحة


    ولسه


    اهدأ بقى يا كمال حامد شداد


    ...........................................


    لو تاخرت الجمعية العمومية قليلا


    حتى الرابع من رمضان تحديدا


    لتشابه شداد مع الترابى


    جاء من قال للزعيم التاريخى للحركة الاسلامية حسبك


    لم يصدق الرجل


    ولا كثيرون بعده


    بل وشال جماعة الفاتحة على الانقاذ


    لكن الانقاذ بعده بقيت باكثر من ايامه معها


    والشيخ الترابى لا تنطح عنزتان على مقدراته


    وعلى كارزيمته وعلمه


    لكن هناك من وجد ان مكانه التوجيه لا الحكم


    وهو ما رفضه الدكتور


    فكان ان كون حزبا مناويئا


    فهل سيمشى شداد على خطى الترابى


    هل لن يغفر لتلاميز الامس


    ولن يبارك لهم خطواتهم


    وسيناصبهم العداء


    ؟؟؟؟؟؟؟؟؟؟؟؟؟؟؟؟؟؟؟؟؟
    [/frame]

  20.  
صفحة 1 من 49 1 2 3 4 5 11 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •