صحيفة المريخ اون لاين
صفحة 53 من 53 الأولىالأولى ... 3 43 49 50 51 52 53
النتائج 521 إلى 528 من 528
     
  1. #521
    مريخي أصيل ومميز
    رقم العضوية : 3449
    تاريخ التسجيل : Apr 2010
    المشاركات: 4,022
    التقييم: 67
    معدل تقييم المستوى
    61

    افتراضي رد: مكتبة الاستاذ بابكر سلك

    13/5/2011
    بسم الله الرحمن الرحيم
    في السلك


    • امس حضرت لي حفلة عرس
    • فنان لذيذ ولطيف
    • غني اغاني مسموعه
    • واخري مامسموعه
    • وثالثه قاطعه من راسو
    • لكن الحفله كانت حلوه ورايقه ومهذبه
    • لفتت انتباهي احدي الاغنيات
    • بقول فيها لييه عشان شنو
    • شدتني العبارات
    • تأملت العبارات
    • وجدت فيها احتجاجا صارخا من خلال السؤال لييه !!!
    • ووجدت فيها استفسارا استنكاريا في كلمة عشان شنو
    • استدعيت الذاكره
    • افادتني بحفظها لعبارة عشان شنو
    • كان يتغني بها احد الذين ركبوا الشارع زمااااان
    • واحد من الناس العرفوها بدري
    • كان بداوم علي الحضور للجامعه يوميا
    • يغني
    • شلوللو لو عشان شنو
    • خمسه وسبعين جو عشان شنو
    • لحدي ما اتخرجنا
    • لاعرفنا معني لشللو للو لو
    • ولا فهمنا خمسه وسبعين دي شنو
    • فقط حفظناها
    • المهم
    • اعجبني الفنان في احتجاجه من خلال لييييه
    • وفي استنكاره من خلال عشان شنو
    • لذلك اسأل
    • ناس لحدي امبارح بكتبوا انهم يحتاجون لتحقيق بطوله لكن مازي حقاتنا
    • ووصفوا بطولاتنا بانها ضعيفه
    • ناس زي ديل نقيف معاهم ليييييييييه ! وعشان شنو ؟؟؟؟؟
    • ونعرف جميعا ان الناس بتحسد الزول البحقق حاجه غلبهم تحقيقها
    • عرفتوا الناس بحسدوا لييييه ؟؟؟؟ وعشان شنو ؟؟؟؟
    • غايتو لو دايرننا نشجع الناس ديل دوليا شيلوا اسباب حسادتهم لينا
    • واسباب الحساده واضحه
    • الجوياااااااات
    • عشان كده الدايرنا نشجعهم
    • يمشي الفيفا
    • يجيب منها مكتوب
    • بانها تعترف بكاس الكنغو بتاع اخت الرئيس الادتو هديه للاعب
    • ما للفريق
    • ويجيب لينا فتوي من الفيفا بان كاس طهور اولاد الشيخ اقيم عند الفيفا من كاس مانديلا
    • بالطريقه دي بتلاشي الحسد
    • وبالتالي مابهبشونا
    • ولما ما يهبشونا ما بنهبشهم
    • لاننا لانبادر بالسوء
    • لو سألت لييييييييه ؟
    • بقول ليك عشان الجوييييييييييه
    • ولو سألت عشان شنو ؟
    • بقول ليك عشان الدونيه
    • المهم
    • ايها الناس
    • المريخ مطمئن لانه يسير نحو انضباط ننشده جميعا
    • ونحو تجانس سببه الاستقرار
    • فقط نطالب البدري بالالتفات لعنصر الشباب بدرجة اكبر
    • حمد الشجره ووليد والمدافع بتاع الاشبال
    • دايرين فريق يا بدري الليله يفلق وبكره يفلق وبعد بكره يحرق قلوب الحساد
    • المهم
    • امس شفنا خرطوم الفاتح النقر
    • لعب فاتح وهجمه بي هجمه
    • تعالوا شوفوها يوم الاتنين
    • ما تستغربوا لو لقيتوا الفاتح النقر خاتي كنبة الاحتياطي جوه خط سته وقاعد فيها مع الاحتياطي
    • لزوم الخندقه
    • لكن لو شلتوا العارضه بالقائمين
    • تاخدوا المعلوم وتتخارجوا
    • يعني ناس الخرطوم مع احترامنا لهم احسن من التلاته هلالات وبقيه الناس الصرفوا الكوته بي شنو ؟؟؟
    • الحضري واقف ساااااي
    • ودي مامهاره من الحضري
    • دي قوه من خطي الوسط والدفاع
    • بالطريقه دي
    • لما نجدد عقد الحضري بنتفق معاهوا بالكوره البمسكها
    • ما بالكوره البلعبها
    • وطبعا الحضري آخر الموسم مع ناس باسكال ديل بطلع نصيبوا تلاته دولار
    • كوره طايشه مسكها بدولارين
    • وواحده رجعها ليهو نجم الدين بدولار
    • الحضري لونو فتح
    • مرتاااااااااااااااااااااااااااااااااح
    • والراحه دي تاعبه ناس كتار
    • لكن ناس حاربوا الحضري ونادوا بتجديد عقوبته من الفيفا
    • ناس ادوا الانتر شرائط مبارياتنا
    • وغشوهم بالشكوي في الحضري
    • نشجعهم
    • ليييييييييييييييه!!!!!! وعشان شنو ياناس ؟؟؟؟
    • المهم الحفله انتهت حداشر شووووووكه
    • حداشر لييييييييييه! عشان شنو ؟؟؟؟؟؟؟؟؟؟؟؟؟
    سلك كهربا
    ننساك !!!!لييييييه وعشان شنو ؟؟؟؟
    والي لقاء
    سلك
    توقيع حافظ النور

  2.  
     
  3. #522
    مريخي أصيل ومميز
    رقم العضوية : 3449
    تاريخ التسجيل : Apr 2010
    المشاركات: 4,022
    التقييم: 67
    معدل تقييم المستوى
    61

    افتراضي رد: مكتبة الاستاذ بابكر سلك

    14/5/2011
    في السلك -
    ضهب وفتيش دهب





    • الإخوة الاهلة اليومين دي فرحانين دايرين يتشقوا


    • قد يظن البعض ان سبب الفرحة هو التأهل

    • ولكن يستغرب البعض لو عرفوا ان سبب الفرحة هو خروج المريخ

    • المريخ في المنافسة وضع يعني ان احتمال جية الكاس واردة

    • الزول البعمل حاجة يمكن ان يعملها تاني وتالت ولو بعد حين

    • لكن الزول الفشل في عمل حاجة خمسة وتمنين سنة بالتأكيد ما بقدر يعملها بعد الخرف ده

    • اسي لو لاقاك زول هراش وقال ليك بطعنك بطعنك

    • لن يخيفك

    • واول كلمة بتقولها ليهو طعنت منو قبل كده

    • بالعبارة دي بعرف حجمو

    • وبقول ليك بخسرك ,,,بخسرك

    • بشيل فكرة الطعن دي بعيييد

    • قالوا الهلالاب بقولوا الداير يتفرج علينا يجيب كرت الجزيرة وديقيتال حديث

    • جبناهم قبل كده

    • واتفرجنا على الهلال يوم مازيمبي ويوم انيمبا

    • الكرت جاب تسعة

    • يشهد الله ويعلم تسعة

    • عشان كده ما تجيبوا سيرة لكرت الجزيرة ده

    • حظوا معاكم ما كويس

    • وقالوا تحت تحت كده اليومين دي زايد

    • زمان بجيب تسعة بس

    • المهم

    • لاقيت واحد من ناس فرحان الفرحان

    • قال لي نحنا في المجموعات

    • قلت ليهو بتودي وين ؟

    • قال لي بتجيب الكاس , بتجيب الدهب

    • قلت ليهو نحنا كتلتنا بتاعت الدهب جبناها من التمنينات

    • الناس الضهب بتفتش الدهب في الخلا

    • كوسوا ولو اتوفقتوا تبقوا يادوب عملتوا حاجة عملناها لما كان البلد دي فيها نيل بالعرض

    • ايام الجوز تلاتة فرد

    • والكمونية بالمتر

    • المهم

    • قال لي لو جبنا الكاس بتشجعونا ؟

    • قلت ليهو ليييييييييييه ؟ وعشان شنو ؟

    • قال لي وطنية ساااااي

    • قلت ليهو الوطنية دي في التمنينات كانت حرام ؟؟؟؟؟

    • انتوا لما جبنا الجويات ( القاطعة قلوبكم دي ) ما شجعتونا لييييييييييه وعشان شنو ؟؟؟؟

    • قال لي في هلالاب مشوا المطار

    • قلت فعلاً , لكن مشوا المطار شمار

    • دايرين يشوفوا الكاس الجوي شكلوا شنو ؟؟؟؟؟

    • ولما شافوهوا ورجعوا بيوتهم دبت فيهم الحسادة

    • قالوا الكاس شيييييين

    • شين ليييييه وعشان شنو ؟

    • واحدين قالوا الكاس صغير ولا كبير

    • صغير لييييييييييييه وعشان شنو ؟؟؟؟

    • والحسادة الياها من اليوم داك

    • ايها الناس

    • نناشد وبشدة

    • الاستقرار الفني اهم اعداد لفريق يصول في كل الجبهات ويجول ثم يعود بكأس جوي محمول

    • ايسكوتي ايسكوتي

    • ميش كوليبالي طلع شريف وما بيرتشيش ولا حاقة ؟

    • ديه دي يا بت ؟ ميش هو نفسو كوليبالي الي باع الكورة للاهلي اما الراجل زأه مرء(مرق) وجاب القون ؟

    • هو ذات نفسوا يمه الحاجة , بس آلو تاب وبطل الحاجات دي وراح العمرة

    • ربنا بغفر يا بتي , نقول ايه

    • ايها الناس

    • الليلة يوم العضوية

    • ابقى مريخابي ما تبقى جمهور

    • من يملك بطاقته يملك قراره

    • كلنا نجي

    • بدري بدري من المغرب

    • للمعلومية

    • ساكواهور زامبي

    • فيليكس زامبي

    • بطن زامبيا على اليمين بطرانة

    • واحد من ناس الضهب الكايسين الدهب

    • قال لي انتوا بتجيبوا القروش دي من وين ؟؟؟

    • قلت ليهو ده كلو هين

    • احتمال شهر يناير الجاي الوالي يوقع على العملة

    • الورقة ام مية تلقى فيها صورة المقصورة

    • وام خمسين صورة حوض السباحة

    • وام عشرين طابق شاخور

    • وام عشرة الملعب الرديف

    • وام خمسة اللوحة الالكترونية

    • وام اتنين مجمع المناشط

    • والعملة المعدنية ام مية قرش نخت فيها صورة كأس مانديلا

    • قال لي ام مية جنيه صورة المقصورة وام مية قرش كأس مانديلا ؟ليييييييييه وعشان شنو؟

    • قلت ليهو فوق راي , انتوا حسب وضعكم المادي ما بتجي في ايدكم فئة غير المعدنية ام مية قرش

    • كلما ما ترفعوها تلقوا صورة كأس مانديلا

    • يا تعترفوا بيهو وتحتفظوا بيهو وتحترموهوا

    • يا تتخلصوا منو وتقعدوا ساااااي

    • اباطكم والنجم

    • تقوموا تقطعوا اباطكم

    • عاد بتتحملوا فيهو النجم ده ؟؟؟؟؟؟؟؟

    • يا البدري

    • كتر لينا من ناس وليد وشمس الفلاح ديل

    • ملحوظة

    • مسكوا ميشو جهاز كشف الدهب

    • لو في بكورك ليكم بالصربي صافوريسكي صافوريسكي

    • يعني صفر صفر

    • لو ما كورك صافوريسكي برضو صفر

    • لكن المرة دي الصفر قطركم

    سلك كهربا

    ننساك كيف والضهب كايس الدهب لليلة

    والى لقاء

    سلك

  4.  
     
  5. #523
    مريخي أصيل ومميز
    رقم العضوية : 3449
    تاريخ التسجيل : Apr 2010
    المشاركات: 4,022
    التقييم: 67
    معدل تقييم المستوى
    61

    افتراضي رد: مكتبة الاستاذ بابكر سلك

    16/5/2011
    بسم الله الرحمن الرحيم



    مشي مازيمبي وقعد اللمبي
    * حضرتوا فيلم اللمبي ؟
    * بتتذكروهوا كويس ؟
    * شفتوا الزول ده كان فاكيها في نفسو كيف ؟
    * ياخ ده قال لي خطيبتوا تعالي نعمل حفله بالنقطه عشان نلم قروش ونعرس
    * داير يعمل عرس وهمي عشان يعرس بقروش العرس الوهمي عرس رسمي
    * وبرضو العرس الوهمي طرشق
    * ومنشرح
    * اللمبي اي حاجه مدخل نخرتوا فيها
    * متلبط في اي شئ
    * يمشي في اي موضوع
    * يتوفق في البدايات
    * يفتكر انو خلاص وصل
    * في آخر المطاف يفشل
    * ويلعن حظو العاثر
    * لمبي ياخ
    * حدودو معروفه
    * اها
    * قالوا اللمبي فرحان بابعاد مازيمبي
    * كدي بالعقل كده
    * افرض الاتحاد الافريقي استبعد سبعه من فرق المجموعات
    * خلي اللمبي براهو
    * ايه يعني حايحصل !!!!
    * ده اللمبي واجرك علي الله
    * لو يقرشها لي قونو وتدخل قون
    * يطير ويكون لاعب براهو
    * لمبي يا معلم
    * لكن في سؤال مهم
    * مازيمبي ده استبعدوهوا ليه ؟ وعشان شنو ؟
    * قالوا زور في لاعب
    * والاهلي المصري معروف بتاع لاراش ( ماقلناهو نحنا الكلام ده )
    * والترجي بنجض كورتو بره الميدان ( حسب اقوال ناس اللمبي )
    * والقطن الكاميروني عندو حركات بسترها ليهو حياتو
    * والجماعه طبعا مشهورين بي اتنين واطناشر
    * بالمناسبه دي
    * ياربي استاذي عبد المجيد كتب شنو وقتها ؟؟؟؟؟
    * ولا الوطنيه في الزمن داك كانت تعني السكوت علي السقوط الاخلاقي من اجل الوطن ؟؟؟؟؟؟
    * المهم
    * غالبية فرق المجموعات صاحبات سوابق
    * دي مجموعات شنو ياربي ؟
    * مجموعات معلمين كبااااااار خلي بالك
    * ماعلينا
    * اها
    * واحد قال لي وقعنا في مجموعه فيها انيمبا والفريق الجزائري و القطن
    * قلت ليهو يعني شنو ؟
    * قال لي ربنا مرقنا من الاهلي والترجي والوداد
    * قلت ليهو الاهلي اداكم اتنين والترجي تعادل واحد واحد والوداد اداكم اتنين
    * يعني في جملتها خمسه
    * انيمبا اداكم اربعه
    * لما وارقو شطب اربعه مدافعين لاعبين
    * واربعه مدافعين احتياطي
    * و الجزائري اداكم خمسه
    * ديل ماياهم زاتهم ناس بيضوضان نسيتهم ؟
    * ناس مرتبة الجمباز
    * اتجمبزي
    * والقطن تعادل معاكم في المقبره اتنين اتنين
    * يعني في جملتها حداشر
    * يعني كل لاعب بي قون
    * اها اخير ليكم ياتو مجموعه ؟؟؟؟؟؟؟؟
    * اللمبي سكت وسرح بعييييييييييييييييد
    * بوحا
    * يابوحا
    * الله !!!!!
    * انت سارح فين يابوحا ؟؟؟؟؟
    * الله يخت محنك يا فاضلابي
    * قلت لي ديك المسلميه يعوعي وبصلتو في النار ؟؟؟؟؟
    * اتعوعوي
    * المهم
    * الليله كورتنا
    * المباراه رقم حداشر
    * حداشر في تلاته يساوي تلاته وتلاتين
    * حتي لو ابي الفاتح النقر
    * ولو كتر
    * حاتبقي حداشر في تلاته تساوي سته وتلاتين
    * ايها الناس
    * قالوا الفريق القال عايز الحضري طالب بضم فيلكس
    * اتفلكسي
    * فليكس بالفا ؟؟؟؟
    * ولا فيلكس بالدين ؟؟؟
    * اللمبي شال شنطتو وقال ماشي نحو الاميه
    * تخيلوا
    * نحو الاميه
    * لمبي ياخ
    * ياخ قال ليك الدكتور البيطري قال لللمبي الجاموسه دي عيانه ماتدبحهاش
    * اذا دبحتها حا اقبض انت والجاموسه بالثابته
    * اللمبي قال ليهو ليه تقبضي مع الجاموسه بالثابته ؟, شايفني يعني لاسمح الله ولا شايفي يعني لاسمح الله !!!!
    * بوحا ياخ
    سلك كهربا
    ننساك كيف واللمبي ( تمانيه قيقا ) يقدل في الفيلم
    والي لقاء

    سلك

  6.  
     
  7. #524
    مريخي أصيل ومميز
    رقم العضوية : 3449
    تاريخ التسجيل : Apr 2010
    المشاركات: 4,022
    التقييم: 67
    معدل تقييم المستوى
    61

    افتراضي رد: مكتبة الاستاذ بابكر سلك

    17/5/2011
    بسم الله الرحمن الرحيم


    ارقص ....يا بدري


    * مباراة الامس اكدت اننا نتطور ونتقدم نحو مستويات ننشدها
    * يكفينا فخرا ان نادي الخرطوم لعب ضدنا مخندقا
    * ولعب ضد غيرنا فاتح اللعب
    * وهذا وحده دليل علي القوة
    * ايها الناس
    * جماعيا كل يوم تظهر بصمات التدريب
    * انسجام وتفاهم وتطور في الاداء
    * فرديا يتطور اداء اللاعب من مباراه الي مباراه
    * لاحظتم الي اداء قلق ؟؟؟
    * تذكروا معي طريقة الهدف الثاني
    * قلق يسرع لمتابعة كره خارجه من الدفاع الاحمر تجاه شمال ملعبنا
    * يسرع للكره
    * ويسرع في التصرف
    * يرسلها قويه عاليه خفاقه تعبيرا عن كبرياء امة الي منطقه خاليه تماما (زي دي زمان قلق برجي بيها الناس الورا يجوا قدام )
    * ساكواها يتحرك بسرعه في تلك المساحه
    * تحركا في الظل
    * ويعالجها بضربة معلم ومتأقلم علي هذا النوع من الكرات
    * روي يعاين لي قلواك
    * وقلواك يعاين لي روي
    * والكره بين روي وقلواك داخل الشباك
    * لم يك كل ذلك عبثا
    * كان توظيف من البدري لسرعة قلق
    * وقوة تصويباته
    * قلق راجل شوات جدا
    * فكان باص الهدف الثاني قاطعا مشوار طويل
    * يتخيل لي البدري قال لقلق اما انت شوات بالطريقه دي ليه ماتلعبش الباص الطويل المفاجئ ؟؟؟؟
    * وكذلك كان فيه توظيفا من البدري لامكانات ساكواها من حيث السرعه والثبات وقوة التهديف
    * وغير ذلك لعب قلق باصات بذات المعني اثناء المباراه
    * الهدف الاول
    * من مصعب للباشا الذي يتخطي مدافعا
    * يمرر لكلتشي الذي يمررها في الفاضي امام الباشا
    * الباشا عرضيه
    * ساكواها والكبري العجيب
    * روي والمدافعون يروحوا فيها مع كبري ساكواها
    * مقدم يجدها امامه
    * المرمي خالي الا قليلا
    * رغم تردد مقدم الا انه ينجح في افتتاح التسجيل
    * ده كلو صدفه ؟؟؟؟؟
    * انها بصمات تدريبيه يرجع الفضل فيها من بعد الله الي حسام البدري والجهاز الفني
    * سفاري
    * رأيتم كيف ظهرت علي ادائه بصمات التدريب ؟
    * سفاري يلعب الكره السهله ويمرر بعد ان عودنا علي ( التطفيش )
    * والاجمل من ذلك سفاري يقرأ الملعب ويقطع الكره بهدوء من امام المهاجم قبل ان تصل للماهجم
    * وحتي لا يحاول استخلاصها من المهاجم بعد ان يتسلمها
    * فيقع في المحظور
    * ايها الناس
    * الجمهور يصفق للشغيل
    * انه التوظيف الصحيح
    * وبيان مهمة كل وظيفه
    * الامر الذي جعل امكانات اللاعبين تظهر بوضوح
    * دونكم احمد الباشا
    * من منكم رأي الباشا بهذا المستوي حتي في زمن اتوفيستر ؟؟؟؟
    * المدرب الشاطر هو من يوظف خاماته حسب امكاناتها الفنيه
    * وماقام به البدري وما يقوم به هو حسن التوظيف والاستفاده القصوي من الخامات المتوفره
    * قد يقول البعض ان مباريات الممتاز لاتصلح للحكم علي الفريق
    * ونرد عليهم بالقول وهل كانت تصلح للحكم علي المريخ ايام كنا ننتصر بالتيله ؟؟؟؟
    * وهل كل فرق الممتاز ضعيفه لهذه الدرجه ؟؟؟؟
    * بما فيها اللمبي ؟؟؟؟
    * مع العلم بان كل فرق الممتاز التي قابلناها في الدوري بما فيها اللمبي لم تكلف الحضري حتي غسل الفنيله
    * يغسلها من شنو ؟؟؟
    * متين وقع في الواطه دي ؟
    * والبوقعوا شنو مدام في حداشر مباراه
    * بما فيها مباراة اللمبي مافي زول هدف تهديفه في اتجاه مرمانا غير ناس الخرطوم امس من الضربة الثابته
    * ايها الناس
    * كلامي ده كلو اعني به الاستقرار الفني
    * وانادي بالاستقرار الفني
    * واقول اعطوا الجهاز الفني فرصته كامله
    * والفرصه الكامله لاتعني موسما واحدا باي حال من الاحوال
    * الاستقرار الفني يقودنا لنجاحات
    * تحسب لنا
    * وللجهاز الفني
    * واذا توفر ذلك الاستقرار
    * سنغني
    * ارقص ...يابدري
    * المهم
    * قلت ليكم لو الفاتح النقر وضع كنبة الاحتياطي في خط سته وقعد معاهم حاياخد المعلوم حاياخد المعلوم
    * البدري دخل العجب (صباع المعجون )
    * وقبل مايعصر المعجون ناس الخرطوم براهم عصروهوا
    * لقوهوا مافضي
    * لقوهوا فيهو
    * موش قلت ليكم عجب ده زي صباع المعجون
    * كلما مانقول كمل نعصروا نلقاهوا فيهو
    * ايها الناس
    * اقتراح
    * حقو نعير وارقو لانيمبا شهرين
    * وللقطن شهرين
    * وللمغاربه شهرين
    * بالترتيب اعلاه
    * الشهرين الاوائل لانيمبا
    * الاولي موش هناك !!
    * والفي النص القطن
    * والاخيره قالوا في المغرب
    * عشان كده الشهران الاخيران نعيروا للمغاربه
    * ايها الناس
    * تاجر العربات ممكن يشتري عربيه جميله جدا لو فيها فرقه لكن للسوق
    * يقشر بيها كم يوم كده
    * لو لقي فيها فايده قرش قرشين ببيعها طوالي
    * لو مشي سمايه ولقي زول عشاهو فيها ببيع
    * بوثقها ليهو لو في ضهر شهادة ميلاد المولود
    * لا اعتقد ان الوالي زول فرقه
    * ولا اعتقد ان الوالي محتاج لفائده قرش قرشين
    * ولا اعتقد ان الوالي محتاج يتعشي
    * عشان كده حكاية بيع الحضري دي شيلوها من ريسينكم
    * نحنا رئيسنا مازول فرقه
    * اتفرقي
    سلك كهربا
    ننساك كيف وقلق بقي يلعب الباص من شارع الاربعين , مولد وفاتك
    والي لقاء

    سلك

  8.  
     
  9. #525
    مريخي أصيل ومميز
    رقم العضوية : 3449
    تاريخ التسجيل : Apr 2010
    المشاركات: 4,022
    التقييم: 67
    معدل تقييم المستوى
    61

    افتراضي رد: مكتبة الاستاذ بابكر سلك

    18-5-2011
    بسم الله الرحمن الرحيم



    راس مجموعه بدل فاقد

    * ناس اللمبي مامصدقين
    * بقوا يهضربوا ساااااااي
    * كلام الطير في الباقير
    * الباقير القريبه دي !!!!
    * كلام الطير في شندي
    * اسي شندي الدخلها شنو يا محمد عبدالماجد
    * الرائع قسم خالد
    * اخيرا اعترف بالصفر الدولي الكبير جدا
    * لم يقصد الاعتراف
    * ولكنها الهضربه
    * كتب قسم خالد
    * الفريق الوحيد الذي لا تاريخ له في دوري ابطال افريقيا هو القطن الكاميروني الذي لم يكتب له الفوز بدوري ابطال افريقيا ابدا , ومثله الهلال
    * انتهي كلام قسم
    * لاحظتوا في كلام قسم ابدا دي حلوه كيف ؟؟؟؟؟؟
    * ابدا
    * الكلمه دي زي القالها عمك هرمنا
    * ابدا
    * يعني نهائي
    * يعني ماحصل
    * يعني المحصله صفر
    * تعالوا شوفوا بعد ماقسم قال ماقال في القطن الكاميروني
    * قال ومثله الهلال ؟؟؟؟
    * الهلال ياقسم يعني نهائي وماحصل والمحصله صفر ؟؟؟؟؟
    * الاعتراف نعمه
    * لاتاريخ له في دوري ابطال افريقيا ومثله الهلال
    * خليهو دوري ابطال افريقيا يا قسم
    * هل للقطن الكاميروني تاريخ في بطولات الكاف ؟؟؟
    * ومثله الهلال !!!!
    * برضو لاتاريخ له في بطولات الكاف
    * خلاص ياقسم انتوا والقطن العبوا في بطولات النون
    * يمكن تعملوا ليكم فيها تاريخ
    * يمكن في بطولات النون القطن يجيب ليهو كاس
    * ومثله الهلال
    * عشان ماتبقوا لابطولات كاف لا دراهم كاش
    * امولادي
    * منعول ابوك اعاره
    * شفت الكندشه بتعمل شنو يا مزمل ابو القاسم ؟؟؟؟
    * الكندشه بتجيب الالتهاب
    * اتقحقحي
    * ناس اللمبي فرحانين برأس المجموعه
    * مع ان التاريخ يحفظ للمريخ انه اول رأس مجموعه سوداني في بطولات الكاف
    * والمجموعه كانوا فيها هم زاتهم
    * ويخيل لي تصنيفهم كان تالت ولا رابع المجموعه ماعارف
    * في الوقت داك قالوا مسألة رأس المجموعه دي ما بالمستوي
    * اختيار ساااااااي
    * اسي بقت حكاية رأس مجموعه تشرف
    * مع العلم بانو رأس مجموعه بدل فاقد
    * تم الاختيار بعد ابعاد مازيمبي
    * يعني مازيمبي لو كسب الاستئناف بجي يقول ليكم ارجعوا ورا زحوا منو اسيادو جو هييييييييييييي
    * ونرجع لي نغمة رأس المجموعه دي ما بالمستوي
    * بالمناسبه
    * الزول المامتعلم بقولوا عليهو فاقد تربوي
    * الزول الماجاب كاس جوي ده يسموهوا شنو ؟
    * فاقد جوجوي !!!!!
    * ولا فاقد كأسوي ؟؟؟؟
    * ولا فاقد كأسوي جوجوي ؟؟؟؟؟؟
    * اتجوجوي
    * ايها الناس
    * لسه مصرين علي الاستقرار
    * استقرار الجهاز الفني
    * والبدري يمضي بثبات نحو صنع فريق يشرفنا
    * وهو الطريق الي جويه جديده
    * المهم
    * اخي احمد محمد احمد
    * او قل (احمد برانا) كما يحلو للاهله تسميته
    * داير اسألك سؤال
    * لو اعرنا وارقو لي ناس انيمبا
    * البزعل الهلالاب شنو ؟
    * موش قالوا ماسوره ؟؟؟
    * انشاء الله تتم اعارته لي انيمبا
    * عشان نشوف مطرة الماسوره من جديد
    * ماسوره بتكب مطره
    * ياناس
    * مسئولين من الخير
    * الزومه وين ؟؟؟؟؟
    * ايها الناس
    * كتب قسم خالد
    * وقال ان التحكيم ظلم الهلال في مباراة الامل ولم يحتسب له هدفا صحيحا
    * قسم يا اخوانا ماشاف التسلل
    * ولا شاف قبضة رجل الطاهر حماد
    * اعذروهوا
    * تحكيم شنو البحتسب ضربة جزاء علي الهلال
    * عبد المجيد جعفر نطوا فيهو جوز في وشو
    * وكسروا ترقوته
    * كششششششششششش
    * عديل كده
    * والحكم قال مشي
    * تقول لي الطاهر حماد
    * ايها الناس
    * النمره الكامله وقفيل الامتحان دي نغمه بتوجع الناس
    * اتوقع المباراه القادمه تكون
    * المريخ ضد التحكيم
    * وبرضوا بنغلب انشاء الله
    * التحكيم ياخد حقوا زيو وزي غيرو
    * التحكيم احسن من هلال الجبال وهلال الثغر و اللمبي بي شنو ؟
    سلك كهربا
    ننساك كيف ونحنا ماشين صاح
    والي لقاء
    سلك

  10.  
     
  11. #526
    مريخي أصيل ومميز
    رقم العضوية : 3449
    تاريخ التسجيل : Apr 2010
    المشاركات: 4,022
    التقييم: 67
    معدل تقييم المستوى
    61

    افتراضي رد: مكتبة الاستاذ بابكر سلك

    19-5-2011

    نقاط نهي نقصان كهيه



    *قرات كثير من كتابات اساتذتي الاجلاء بالصحف

    *قالو كلام كتير

    *اخترت بعضا منه

    *وقمت بالرد والتعليق علي ما اخترته

    *اها

    *استاذنا ابو شنب قال الحكم ست لبراتو كان اللاعب رقم 12 في فريق الهلال

    *قلنا ليهو يا استاذنا بالطريقه دي لا نستبعد ان تري جماهير الهلال عقب اي مباراه تحمل الحكم وتهتف باسمه كنجم من نجومها حقق النصر بمجهود فردي خرافي

    *وقال ابو شنب اليوم المريخ افضل من الهلال

    *قلنا ليهو ولسه انت شفت حاجه!!

    *وقال ابو شنب سبت لبراتو صرف ضربة جزاء صحيحه للامل عندما عرقل المعز حارس الهلال المهاجم المزعج الطاهر حماد

    *قلنا ليهو ياتو ضربة جزاء ارتكبها المعز احتسبها الحكم يا استاذنا ؟ياخ المعز طلع في دائرة السنتر يقبض في الكوره قبيض الجراد الحكم اداهو كرت اصفر وخبير التحكيم قال قرار الحكم سليم والمعز لا يستحق غير الكرت الاصفر، ده كلام الخبير ، اول امس القريبه دي في مباراة الاهلي القاهري ووادي دجله بالدوري المصري حارس الوادي مسك الكوره كراع بره كراع جوه الكرت الاحمر وصلو قبل يبلع ريقو

    *تقول لي خبير تحكيم!!!

    *والمعز كرعينو وايدينو وزملانو كلهم بره الخط

    *في دائرة السنتر

    *الاستاذ قسم قال القطن هو الوحيد القاعد سااااااي ومثله الهلال

    *قلنا ليهو ومثله من الناحيه دي مارين الصومالي ونيل الباقير الوراني والاشاوس والافارقه والثوار

    *المهم

    *بعض الاهله كتب مستنكرا افراح المريخاب بالانتصارات التي حققوها في الممتاز

    *مع العلم بانهم (اي الاهله) كتبوا قبل كده الهلال يمطر شباك الافريقي الفلاني بهدف

    *سبحان الله

    *قررررررررربت

    *حبة صبر بس

    *قعدنا قدام التلفاز لمشاهدة مباراة برشلونه السوداني قدام باب الشارع

    *لا شفنا مباراه

    *ولا برشلونه

    *شارة الكابتنيه دي يا ناس قوون الشالها المره دي منو؟؟؟

    *لكن كده كويس مع ناسكم يا ناس قوون

    *لاحد شاف ولا حد دري

    *اللاعب نمره 12 يا استاذي ابو شنب امس بكون قدل

    *ما منقوله

    *ايها الناس

    *اليوم نلتقي النسور

    *نحترمهم شديد

    *عشان نغلبهم شديد

    *اليله لازم نكمل البضاعه ثلاثه دست نربط كل دسته براها

    *الدسته الاولي نجمع فيها نقاط سا كواها

    *نربط من برشه المعز

    *لي معاينه روي لي قلواك ومعاينه قلواك لي روي

    *مع احترامي لاستاذي الهرم الكبير ابو شيبه

    *الا ان الشعار لن تسقط لوزه قطن واحده

    *زمان غني المغني

    *في الجزيره نزرع قطنا نزرع نتيرب نحقق امالنا

    *اليوم نحن نغني مثله

    *في الجنينه نزرع قونا نزرع نتيرب نقبض حمامنا

    *ولا نقطه ما بنخليها

    *ضغط نفسي ضغط بدني ضغط زهني

    *نقاط نهي نقصان كهيه

    *ولا نقطه

    *صدقوني

    *شهر سته

    *ولدنا

    *من الطبيب للنادي الحبيب

    *يجينا بي باقي علاجاتو

    *ايها الناس

    *اليوم كلنا

    *فرض عين

    *نملا العين

    *لما تدفق

    *الي استاد الخرطوم

    سلك كهرباء

    ننساك كيف وشعارنا لن نسقط لوزة قطن واحده

    والي لقاء

    سلك

  12.  
     
  13. #527
    مريخي أصيل ومميز
    رقم العضوية : 3449
    تاريخ التسجيل : Apr 2010
    المشاركات: 4,022
    التقييم: 67
    معدل تقييم المستوى
    61

    افتراضي رد: مكتبة الاستاذ بابكر سلك

    20-5-2011

    في السلك / بابكر سلك


    طياره بدون طيار



    * عجب ده نووي خلي بالك
    * ببيد طوالي
    * ومن بعيد
    * غايتو قونو ده زي طياره بدون طيار
    * لابتقيف
    * ولا بتسأل زول عن وصف
    * ولا بتتطلش في الشوارع
    * محل ماقالوا ليها امشي تمشي
    * محل ماقالوا ليها اضربي تضرب
    * النووي ضرب الزاويه في قلب الزاويه
    * ومن بعييييييييييييييييد
    * الخواجات قاعدين شهرين في ليبيا
    * ماقادرين يضربوا الزاويا
    * قالوا شنو
    * العمليه العسكريه بتاعتهم في ليبيا كلفت قريب مليار دولار
    * مليار ليه ؟ وعشان شنو ؟
    * نحنا بي عشرين جنيه سوداني شفنا طياره بدون طيار
    * وسلاح نووي
    * وحضرنا ضربة الزاويه عشرين جنيه سوداني وبس
    * عجب
    * ياصباع المعجون
    * كلما مانقول كمل
    * نعصروا نلقاهوا فيهو
    * ملياااااااااااااان
    * الحبيب بارما قال لي سمعنا بي سيجنال تو
    * وماكنا فاهمين اربعه وعشرين اللابسها العجب دي تعني سجنل اربعه وعشرين
    * سيجنال تونتي فور
    * فور ساي
    * فور وزغاوه وشوايقه و ورباطاب ونوبه ونوبيين وجعليين ودينكا وشلك
    * كلهم معجبين وبصفقوا
    * وبهتفوا النووي ....النووي
    * صاحب الرقم 0915333443
    * رسل رساله قال فيها صباع المعجون طلع مجنون
    * وانا معاك ياصاحب الرقم اعلاه
    * لانو زول بطقع من حته زي دي ويصيب اكيد مجنون ونص وخمسه
    * اسلام قرت الرساله وضحكت
    * قالت لي مجنون المابشجع العجب
    * اتجنني
    * ايها الناس
    * امس كانت في مباراه العصر
    * الكلام ده كان تحت تحت
    * وجابوهوا لينا تحت تحت
    * الجماعه اتغلبوا من التحرير اتنين واحد
    * والشوط التاني زادوهوا ربع ساعه
    * والجمهور كرشوهوا مع المغرب
    * قفلوا الاستاد
    * وولعوا الكشافات
    * الكشافه الفيها النحل زاتها ولعوها
    * قدر ماعملوا ماقدروا يدرنوا
    * لما الحكم قنع نهاها
    * القون الاول فيهم جابوا التعاون
    * رقدوا في الكوره هو واتير
    * والقون التاني كان غلطه من مدافعهم
    * اسمو منو مابعرفو
    * لكن جابوهوا من بره ( اظن بالدين ) للتكميليه
    * الرخيص بي رخصتو
    * وراكم مغستو
    * كاريكا للامانه جاب قون الجماعه
    * تتجازي يا كيلا
    * ده كلو جبتو من وين ؟؟؟
    * اها
    * ايها الناس
    * بالذات الناس البحبوا الوطن
    * لو كنتوا دايرين موسم رياضي مستقر
    * ودايرين النفوس تصفي
    * ودايرين كل زول ياخد حقو
    * اتكلموا بامانه عن التحكيم
    * معقوله
    * تسلل تلاته لاعبين من النسور
    * علي بعد اقل شئ تلاته امتار من آخر مدافع
    * وبرضو قون ؟
    * خلاص ماتزعلوا يا الحكام
    * الكوره انتهت درون اربعه واحد
    * كلمتكم قلت ليكم المريخ لاعب ضد التحكيم
    * اها غلبنا التحكيم اربعه
    * فضل النسور
    * عليكم الله زول زي العجب ده
    * يدخل المنافسه بتاعت افضل لاعب عربي علي ما اظن
    * العاملاها مجلة السوبر
    * وانت سوداني
    * وليك حق التصويت
    * نصوت لصالح عمرو زكي وابو تريكه
    * والعجب منافس معاهم ؟
    * انا بشوف من مظاهر الوطنيه اصوت لصالح اسامه التعاون لو كان منافس
    * اسامه التعاون شنو !!اصوت لي فيلكس ( تسخاني تو )موش بلعب لفريق الوطن ؟
    * وفوزه بضيف لرصيد فريق الوطن ؟
    * وبالتالي بكسب الوطن ؟؟؟؟
    * خليهو زول في مستوي العجب
    * اليومين دي الاذاعه الرياضيه بتكلمنا كتير عن الوطن والوطنيه
    * موش ياها زاتها الاذاعه الرياضيه التي دعت الي تكوين وفد اعلامي برئاسة يوسف السماني
    * عشان يمشي مصر يعتذر للمصريين
    * ويعتذر عن شنو ؟
    * يعتذر للمصريين عن الاسائه التي وجهوها هم الينا ولوطننا الغالي عبر فضائياتهم بعد مباراتهم الفاصله ضد الجزائر
    * الوكت داك الجنسيه بتاعت الوطن كانت لسه ما طلعت ليكم يا ناس الرياضيه ؟؟؟؟
    * ايها الناس
    * الناس مافاقدين ذاكره
    * ولا يوصفوا بالهبل
    * راجعوا تصرفاتكم ثم قدموا لنا الدعوه
    * لكن العجب بالغ
    * اها
    * انا شايف اعارتنا وارقو لانيمبا مافيها اي مساس بالوطنيه
    * لان وارقو في نظر فريق الوطن ماسوره
    * وانو الكابتن بتاع فريق الوطن رفض تسجيله لفريق الوطن مدعيا ان وارقو لا يلزمهم
    * اليس من الوطنيه ان نورط انيمبا في هذا الماسوره حتي يستفيد فريق الوطن ولا شنو ؟؟؟؟؟
    * لكن ياعجب حيرتنا
    * فاكيها بالرموت يا زول !!!!
    * ايها الناس
    * اذا كان ماشاهدناه بالامس هو مستوي التحكيم في هذا الوطن
    * لا تستغربوا ولا تستبعدوا اي شئ
    * نحنا بشر ولنا قوة احتمال محدوده
    * لكن البسوي فيهو العجب ده بخلي حكم يشوف ؟؟؟
    * سؤال برئ
    * رجل الخط لما يكبر ببقي حكم ولا بقعد طول عمرو رجل خط ؟؟؟؟
    * لانورجل الخط الاول في مباراة امس دي لو بقي حكم بشوت براهو في شبكتنا
    * قالوا هوبة ساكواها برضو ماجابوها
    * اظنها بتكسر الشاشه
    * او بتشرد الشاره
    * كل التهاني لاستاذنا من الله بمناسبة زواج كريمته دكتوره مواهب
    * لكن فاتك العجب يا من الله
    * العرس ده كان تعملوهوا السبت
    * ايها الناس
    * فيصل العجب عالم من علماء هذا الوطن متخصص في فنون كرة القدم من زمن كان اسمها التيوه
    * اقترح ضمه للمجلس الاعلي للتعليم العالي
    * قونو بتاع امس ده مفروض يسجلوهوا في امريكا
    * وفي المصنفات
    * وفي التاريخ
    * وفي الجغرافيا
    * وفي قلب كل حاسد اذا حسد
    * في قلب الوطن
    * ايها الناس
    * كل يوم ننادي بالاستقرار
    * ابقوا عشره
    سلك كهربا
    ننساك كيف والنووي مدور
    والي لقاء
    سلك



  14.  
     
  15. #528
    مريخي أصيل ومميز
    رقم العضوية : 3449
    تاريخ التسجيل : Apr 2010
    المشاركات: 4,022
    التقييم: 67
    معدل تقييم المستوى
    61

    افتراضي رد: مكتبة الاستاذ بابكر سلك

    21-5-2011


    بسم الله الرحمن الرحيم






    في السلك


    ياملك الجنون
    * لو اتكلمنا عن قون العجب سته سنين مابكمل كلامنا
    * بالرموت كنترول !
    * والله من المحل ده لو رسلت زول بطش
    * يسأل عشرين مره عن الوصف حتي يصل
    * كوره من هنا ياعجب ؟
    * والله بالبلوتوث مابتصل
    * ده قون مرسل (اس ام اس )
    * او ( ام ام اس )
    * اسمو (K A A )
    * King Agab Arts
    * فنون الملك عجب
    * زي ال G M H
    * صالة غردون للموسيقي;
    * وزي
    * B M W
    * حفظك الله يا ملك
    * وصدق صلاح بن الباديه عندما غني
    * كيف الامير يساوي الملك ****ده بعيد يازول
    * اها
    * امس استضاف برنامج الرياضه الهلالي الاستاذ خالد عز الدين
    * ياربي الهلالي دي للبرنامج ولا لي خالد ؟؟؟؟
    * المهم
    * قعدوا اتنين اهله
    * رضا وخالد
    * ولسان الحال يقول وحدنا
    * انت وانا
    * خالد قال مامعناهو انو ابو الهل ماشغال بالممتاز لانو سبق لله تحقيقه كثيرا
    * يعني الهلال قاصد يتغلب من المريخ
    * وقاصد يتغلب من اهلي شندي
    * مع العلم بانو المريخ واهلي شندي ديل بالذات البوجع الهلال غلبهم ليهو
    * وقال الهلال يصب الاهتمام علي البطوله الافريقيه
    * ده الكلام ياخالد
    * المنحاز سبق للهلال ان فاز به كثيرا
    * علي شاكلة شاتها الماسوره دقت في الماسوره ورجعت للماسوره
    * وحسبوها قون
    * وجاب تلاته نقاط
    * كانت كفيله بفوزكم بكأس المنحاز
    * وليكم حق ياخالد تهتموا بالبطوله الافريقيه عشان ماعندكم
    * ببح
    * كل مره شالو هو ( بفتح الهاء )
    * لكن ياخالد لو جادين في الفوز بالبطوله الافريقيه اسألوا مجرب
    * ومابنبخل عليكم بالمشوره واعطائكم الطريقه
    * اسأل مجرب وما تسأل طبيب
    * اها المجرب ديل نحنا
    * لكن ياخالد المدافع المحترف الشفناهو امام التحرير ده ما بوديكم لي قدام
    * وما كل الفرق كالا
    * وبالطريقه دي مابتجيبوا الترابه
    * اعترفوا بانجاز المجرب اولا
    * ثم اسألوهوا
    * مابقصر معاكم
    * خلي بالك المجرب ديل نحنا
    * مليانين تجارب شئ افريقيه وشئ عربيه
    * شئ اقليميه دوليه وشئ قاريه
    * وشئ جويه داخليه
    * بتاعت جوبا
    * بالمناسبه بعد اعلان الدوله الجديده كأس جوبا الجوي حايرفع لدرجة دولي
    * موش من دوله اخري !!!!
    * اتجوجوي
    * ايها الناس
    * سؤال رضا كان عن مستوي الهلال في الممتاز
    * وكلام خالد كان بعيدا عن السؤال
    * ورضا مشي الكلام
    * لكن الاتنين كانت واجعاهم العلامه الكامله
    * وواجعهما فرق السته نقاط ده
    * فضل لينا اهلي الخرطوم
    * ياخد كوتته
    * وبعد داك زي ماقال لي مريخابي من كريمه
    * قال بعد نقفل الدوره الاولي تلطاشر فريق ياخدوا المعلوم
    * حقوا الاتحاد يعمل منتخب من فرق الممتاز يقابل المريخ
    * يمكن يطلع ليهو بي نقطه
    * الحكايه دي ذكرتني واحد صاحبي زمااااااان
    * بنطق الميم نون
    * وبخيل جدا
    * يقوم زول يقابلوا يقول ليهو عليك الله اديني قرش
    * يرد عليك بسرعه
    * ولا منينه
    * يقصد بها ولا مليمه
    * يكون بياكل في تسالي
    * تقول ليهو اديني معاك
    * يقول ليك ولا حته
    * عشان كده فرق الممتاز دي كلها
    * اي زول
    * بدون فرز
    * الكبار والصغار
    * الدورتين
    * لو قالوا لينا ادونا نقطه
    * بنقول ليهم ولا منينه
    * ولا حته
    * ولا نقطه
    * مووووووووووووووتوا
    * ياناس
    * العمده الفاتح المقبول له موقف يحفظه له التاريخ
    * مع الحكام
    * لا اتمني تكراره
    * لكن بما نشاهده من هذا الجهاز لا نستبعد
    * الحكم بتاع كورتنا ضد النسور يخيل لي هو نفسه من حكم كورتنا بتاعت التمشيطيه
    * تخيل ساااااااي
    * ورجل الخط الاول
    * المدعو وليد
    * يخيل لي هو نفسه رجل الخط الذي اشار للحكم بطرد ايداهور في مباراة كادوقلي
    * يخيل لي تخيل ساااااااي
    * قريبا
    * علي شاشة سينما افريقيا
    * اللمبي تمانيه قيقه
    * اصبروا حبه
    * ايها الناس
    * الاستقرار
    * الانضباط
    * الحساب ولد
    * ايها الناس
    * ولا منينه ولا حته ولا نقطه
    * عجب يا مجنون
    سلك كهربا
    ننساك كيف وموسي الزومه حردان وشباب من اجل المريخ كسلوا من العضويه
    والي لقاء

    سلك

  16.  
صفحة 53 من 53 الأولىالأولى ... 3 43 49 50 51 52 53

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •