النتائج 1 إلى 7 من 7

الموضوع: اقتراح عضوية اسفيرية

     
  1. #1
    مريخي أون لاين
    رقم العضوية : 9102
    المشاركات : 616
    التقييم : 50 Array
    معدل تقييم المستوى
    46

    Icon1 اقتراح عضوية اسفيرية

    العضوية
    الاخوة في المريخ في الدم وفي الفرح ليس لأننا لانحزن لخسارة المريخ ولكنا دوما في فرح بوجوده تحية طيبة
    انا متابع للمنتدى منذ سنين قد تكون هذه اول مشاركة لي لظروف عملي ولكن لدي موضوع اعتقد انه مهم لبناء المريخ واستعادة بريق البطولات لنا و نحن نعلم حجم الصرف وتدني قيمة الجنيه السوداني نعلم منذ الان بأن المريخ بحاجة لتجانس نعم ولكن نحتاج للاعب سوبر وهذا لايكون بالتمني او انتظار السيد الوالي المهم موضوعي بسيط منذ كنت في السودان وانا اعيش خارج العاصمة واتمنى الحصول على عضوية المريخ الكيان لاحس اني ابادله جزءا يسيرا من الفرح الذي ظل يعطيني اليه ولكني صدمت بكون الحصول على العضوية من شروطه السكن والذي يمكن التحايل عليه كما نعلم ولكنه لايفيد الكيان على المستوى البعيد في الدعم ولا اختيار مجالس الادارات . وهذا القانون على حسب علمي قانون لوزارة الشباب والرياضة لذا من الصعب تغيره فكرتي التي اطرحها هي محاولة عمل عضوية شرفية اليكترونية عبر الاسفير ( دي عجبتني حبيت ادخلا في النص ) بمعني الضغط لو تطلب الامر على الموقع الرسمي للنادي بفتح عضوية شرفية بأرقام مسجلة يتبع فيها التوصية والتثنية لنيل العضوية والالتزام بالدفع النقدي المحدد بحساب تحت ادارة النادي شهريا سنويا مقدما او 6 اشهر مع ارسال البطاقة عبر الايميل بطاقة عضوية شرفية مع نموذج خطاب شكر فيها موقعة من النادي للدعم في المسيرة .لايتمتع العضو الاليكتروني بحقوق العضوية في المجالس الانتخابية والجمعية العومية وحضورها الا عبر اكمال العضوية الحالية الكاملة المتوافقة مع شروط الوزارة ولكن يحق له دخول النادي كعضو شرفي الموضوع من اخرو نحنا بره السودان بنحب المريخ والقليل الدائم خير من الكثير المنقطع من الاقطاب معذرة لمن هم في الداخل ان اثقلنا عليكم لكن ان رأى الاعضاء ان الفكرة جديرة بالتفعيل ارجو البدء بما هو ممكن لتفعيلها بأسرع مايكون في الغربة مشتاق لأخوي المرياخبي عشان افرح معاهو وقت دخول المريخ واطلع الشارع فرحان بعد النصر واعشقه وقت الهزيمة ان حصلت لاقدر الله لانه اعطاني من قبلها وبعدها الفرح دهرا بوجوده انه المريخ


  2.  
     

     
  3. #2
    مريخي رائد
    الصورة الرمزية مريخابي كسلاوي
    رقم العضوية : 3373
    المشاركات : 184,106
    التقييم : 261 Array
    معدل تقييم المستوى
    987

    افتراضي رد: اقتراح عضوية اسفيرية

    كلام في الصميم


  4.  
     

     
  5. #3
    مشرف
    رقم العضوية : 8149
    المشاركات : 2,455
    التقييم : 50 Array
    معدل تقييم المستوى
    61

    افتراضي رد: اقتراح عضوية اسفيرية

    اولا مرحب بيك الحبيب‏mohanurونتمى ان تواصل المشاركة بالمنبر اعجبني جداً اقتراحك واتمنى ان يجد من يطرحه ع ادارة النادي حتى يساهم الكل في دعم مسيرة النادي

    توقيع بدوي الشريف
    سبحان الله وبحمده سبحان الله العظيم

  6.  
     

     
  7. #4
    مريخي رائد
    رقم العضوية : 1471
    المشاركات : 10,282
    التقييم : 67 Array
    معدل تقييم المستوى
    118

    افتراضي رد: اقتراح عضوية اسفيرية

    مقترح جدير بالاحترام ولا اظن ان هنالك صعوبة فى التنفيذ بل يحتاج لجهد من الادارة بمطالبة الوزارة بيغير صيغة القانون


  8.  
     

     
  9. #5
    مريخي رائد
    الصورة الرمزية محمد النادر
    رقم العضوية : 8232
    المشاركات : 16,466
    التقييم : 50 Array
    معدل تقييم المستوى
    130

    افتراضي رد: اقتراح عضوية اسفيرية

    كلام في التنك

    توقيع محمد النادر

  10.  
     

     
  11. #6
    مريخي أون لاين
    رقم العضوية : 9102
    المشاركات : 616
    التقييم : 50 Array
    معدل تقييم المستوى
    46

    افتراضي

    ياشباب ومريخابي كسلاوي والبقية عليكم الله اسعو في الموضوع دا والله ممكن يتطور من عضوية اسفيرية ونعمل متجر الكتروني وكثير من الاشياء زي المدريديستا وكدا والله انا بيستغربو هنا لمن يكون لاعب الريال والبايرن واتابع المريخ مع انو بشجع الريال بس دا المريخ وكتيرين ولهانين اكتر عايزين فناائل للنادي يعني في اوربا اي زول يتبرع ويرسلو ليهو من النادي زي 50 فنيلة مامكتوب فيها اسم ولا نمرة (الزول ممكن يطبعا براهو) والبيستلمهم مايعمل حاجة غير يخزنهم عندو والبيطلب عبر المتجر تصلو وطبعا اسعار الفنائل بتكون كمثال حوالي 20 يورو دولار باوند للواحدة .... زائد حق الشحن يعني البيستلم ماعليهو اي شئ بس يحول القروش السودان ويفتح ايميلو كل يوم ويستلم الطلبات من رئاسة النادي ويتواصل مع الطالب ومعظم التلفونات مجانا او واتس وكدا ( سيديهات للكؤوس والمباريات القديمة نماذج للكؤوس الخارجية ميداليات ...صور لعيبة وبوسترات ) المهم عليكم الله انا لي سنتين عايز فنيلة اصلية ما النوع البيتفرش برا وبعد تغسلو يبهت اصلية ....
    انا رديت بس تفعيل للموضوع واضافة


  12.  
     

     
  13. #7
    مريخي متميز
    رقم العضوية : 452
    المشاركات : 375
    التقييم : 50 Array
    معدل تقييم المستوى
    72

    افتراضي

    ياخ انت كلامك 100٪‏

    ياريت الشباب القريبين من الادارة يوصلو الاقتراح ده
    كلنا شوق لدعم الزعيم


  14.  
     

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

منبر مريخاب أون لاين