صحيفة المريخ اون لاين
النتائج 1 إلى 3 من 3
     
  1. #1
    مريخي رائد
    رقم العضوية : 3373
    تاريخ التسجيل : Apr 2010
    المشاركات: 130,616
    التقييم: 261
    الهوايه : الرياضة والانترنت
    معدل تقييم المستوى
    700

    Icon14 في السلك : بابكر سلك : لدواعى وطنية نمشى الأسكندرية


    في السلك
    بابكر سلك
    لدواعى وطنية نمشى الأسكندرية


    * نحنا كشفوت حقو نمشى الأسكندرية
    * نناصر ابوالهل
    * لإعتبارات عديدة
    * لينتصر ويتصدر ويقابلنا
    * مادايرين فى الكروس قشه تعتر لينا
    * عشان كده مقابلة ابوالهل بتسهل علينا
    * ولما البلد تضمن المريخ فى النهائى
    * يبقى ربحت
    * لذلك نمشى الأسكندرية
    * نمنع التواطؤ
    * الفراعنه ديل ما مضمونين
    * والجماعه ديك (خترين)
    * التطوان
    * ممكن يحاولوا يشتروا من الفراعنه
    * وده الكلام الما دايرنو نحنا
    * نحارب التواطؤ
    * فالبطولة نريدها شريفة
    * ولانريد ان نسمع بتواطؤ فيها
    * عشان ما يجينا زنطور بعد تمر السنين والشهور
    * ويقول ماشاف كاس افريقيا الجابو المريخ
    * أويقول كان فيهو بيع تطوانى فرعونى
    * وحاجات بالشكل ده
    * أيها الناس
    * بعض الناس وهمانين
    * لسه ما إتأهلوا لى دورالأربعة
    * وبتبجحوا
    * ونحنا بنفكر اسى نغلب برشلونه كيف
    * بنخطط لى قفلة ميسى
    * يقفلوا ضفر
    * لا نفك ليهو راجى يسكوا
    * ولانخصص ليهو ايمن المصرى
    * وناس برشلونه بفكروا يوقفوا بكرى كيف
    * عرفين بيكيه تقيل
    * وعارفين دفاعهم ما بقدر على الكهربة دى
    * وناقشين كويس
    * انو بكرى لو جرى
    * اقليم ساكسونيا كلو لو لعب سكسك ما بيلحقوا
    * فكرنا مشى بعيد
    * أيها الناس
    * كورة إتحاد الجزائر الأولى لازم نجتهد فيها
    * على الجماهير دور كبير
    * واللوحة التى رسمتها الأولتراسات كلها
    * وروابط التشجيع
    * وجميع الشفوت
    * يجب ان يرسموا أجمل منها
    * كما أدهشوا الوفاقاب
    * يدهشوا الإتحاداب
    * أما كورة الإتحاد التانية فدى دايرين فيها لوحة تدهش افريقيا كلها
    * لأنها الكورة الأولى فى النهائى
    * اما كورة الإتحاد التالتة
    * فهى مباراة النهائى بالجزائر
    * لو نمشى بالركشات نكون هناك
    * عشان نحضر الزعيم وهو يرفع الكاس الأفريقية عالياً
    * أيها الناس
    * كورة السوبر برضك نمشى مع الزعيم
    * ومشية اليابان فيها منافع أخر
    * جنس خمخيم خرد
    * إستعمال اليابان يا عمك
    * سكند هاند من امو
    * وناس روشا ما يزعلوا
    * بنديكم مكنات بالأقساط
    * أدفعوا المقدم والباقى بنعتبروا دين هالك
    * أيها الناس
    * ريحة المطار فاحت شديد
    * وعلينا ان لا نفرط فيها
    * ماجاتنا صدفة
    * ولاجاتنا بى طرق ملتوية
    * جاتنا بى عرقنا وإجتهادنا
    * بى جرى بكرى المدينة وجسارة جابسون ورشاقة جمال سالم
    * جاتنا بى جهود رجال ودعم جمال
    * جاتنا بى ادنى شك فى اننا نستحقها
    * لا لعبنا كورة الحكم نهاها فى الدقيقة اربعين والزمن الضايع رقاداً كان تلت ساعه
    * ولا إنظلم منافسنا ظلم الحسن والحسين بأخطاء تحكيمية(غير مقصودة)
    * ولا القرعة لملمت لينا الكرور صدفة
    * ولا كتلنا زول جوه خط طمنطاشر والحكم صهين
    * هو زول واحد!!!
    * جاتنا بى حقنا
    * يبقى من واجبنا ومن حقنا
    * ان نحافظ عليها قبل ان نفخر بها..فالكاس كاسنا
    * ونحنا اهلو وبنستاهلوا
    * لو إجتمع الجن كلو فى قلب الإتحاد الأفريقى
    * ولو تفرغ الشيطان ليعاكسنا
    * ولو إجتمع كل منجمو العالم ضدنا
    * فمريخنا مصان بالقرآن
    * ومصان بنية جمال الجميله
    * ومصان بقلوب الشفوت الأصيله
    * ومصان بمهارات وإمكانات كبيرة
    * أيها الناس
    * رئاسة الجمهوريه اعلنت دعمها للزعيم
    * كتر خيرهم
    * دعمونا بعد صعدنا بى اسبوع
    * وغيرنا تم دعمه قبل ان يلعب
    * بل
    * قبل ان يتأكد صعوده
    * ولعل رئاسة الجمهوريه بفطنتها قد قصدت ان نقول
    * أنا أحفز المريخ على إنجازه
    * لذا اقدم له بعد ان يصل
    * وانا احرض الهلال على ان ينجز
    * يبقى زى المريخ
    * لذا ادعمه قبل ان يلعب واوعده بالحوافز
    * على كلٍ الشكر لرئاسة الجمهوريه
    * ونتمنى ان تعلن حافز البطولة الأفريقية من اليوم
    * وتجهزوا
    * الكاس جاييكم فى القصر يا ناس رئاسة الجمهوريه
    * قولوا آمين
    * جايبوا جمال متقدم الصفوف
    * هديه لرئاسة الجمهورية
    * وما جديدة علينا
    * فقد اهديناكم من قبل مانديلا
    * وجبناهوا ليكم جوه القصر
    * واليوم من حق القصر الجديد ان يتوشح بالأميرة الحمراء
    * من الليلة أسمها الأميرة الحمراء
    * دايرين نجيبها لى بلاد العجائب
    * عشان تبقى الأميرة الحمراء فى بلاد العجائب
    * ما تفهمونى غلط
    * الغجائب دى قاصد بيها
    * فيصل عجب ورمضان عجب
    * أيها الناس
    * التواطنه لو إتفرعنوا مع التواطؤ
    * أقصد التواطؤ لو إتطون مع الفراعنة..أقصد الفراعنه لو إتطاونوا مع التواطؤ
    * اقصد التواطؤ لو اتفرعن مع التواطنه
    * يبقى خبر الشوم خبر الروم
    * وحايتناقلوا الحروم يا فطومه اختى
    * غايتوا لو إتناقلتو ما تبخلوا علينا
    * ورونا الشمار
    * أيها الناس
    * إن تنصروا الله ينصركم
    * أها
    * نجى لى شمارات والى الخرتوم
    * أكان شفت يا والينا
    * الجقور كملن الفينا
    * قصاد كلو مواطن خمسين جقر يا والينا
    * والجقر كلو إتنين وخمسين يوم بلد يا والينا
    * لابحتاج موجات زى البتتعمل لينا
    * ولا داير طفل انابيب زى اللدينا
    * ولا ببلع فوليك اسيد يا والينا
    * بدون تامين بِلِد مجانى كيتاً علينا
    * بدون حضتنة طفلو تانى يوم يجرى بينا
    * بدون تحصين بدون تطعيم بدون تنجيم يا والينا
    * لكن عملياً وحسب ما قالو لينا
    * الجقر بجيب الطاعون يا والينا
    * موشك فانا الطاعون الساكن فينا
    * أقرضوهوا قبل ما يقرض الشعب الفضل لينا
    * الجقر القرض الكوبرى بقرضنا يا والينا

    سلك كهربا
    ** ننساك كيف والكلب لو شاف الجقر بجرى..هو جقر نصاح يا والينا؟!!
    والي لقاء
    سلك
    توقيع مريخابي كسلاوي



  2.  
     
  3. #2
    مشرف
    رقم العضوية : 9162
    تاريخ التسجيل : Jan 2014
    المشاركات: 6,236
    التقييم: 39
    معدل تقييم المستوى
    54

    افتراضي رد: في السلك : بابكر سلك : لدواعى وطنية نمشى الأسكندرية

    سلك فى السلك
    مشكور عثلاوى
    توقيع مريخابى واعتز

  4.  
     
  5. #3
    مريخي رائد
    رقم العضوية : 6007
    تاريخ التسجيل : May 2011
    المشاركات: 11,714
    التقييم: 98
    معدل تقييم المستوى
    97

    افتراضي رد: في السلك : بابكر سلك : لدواعى وطنية نمشى الأسكندرية

    مشكور الكسلاوي
    والتحية للسلك المكهرب

  6.  

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •