صحيفة المريخ اون لاين
النتائج 1 إلى 4 من 4
     
  1. #1
    مريخي رائد
    رقم العضوية : 3373
    تاريخ التسجيل : Apr 2010
    المشاركات: 139,153
    التقييم: 261
    الهوايه : الرياضة والانترنت
    معدل تقييم المستوى
    744

    Icon14 في السلك : بابكر سلك : الزعيم في الاقاليم

    في السلك
    بابكر سلك
    الزعيم في الاقاليم

    *الزعيم في الاقاليم زي شبكات الاتصالات
    *حته فيها شبكه
    *وحتي بره الشبكه
    *وحتي الفيها شبكه
    *مرات بتطش من الشبكه
    *يعني تاني يا غرزه لو مشينا الولايات
    *نطلع في راس بيت الجداد عشان تجينا شبكه ؟؟؟؟
    *ايا كانت الارضيه
    *ايا كانت الخندقه
    *ايا كانت الاسباب
    *في كلها ليست مبررات لفقدان النقاط بالولايات
    *ومن يفكر في الاميره الافريقيه
    *لايخسر النقاط بالولايات
    *ايها الناس
    *كيف بالله نوقف الجزائر علي رجل واحده
    *ثم نخسر بعطبره ونتعادل بكادوقلي ؟؟؟
    *هل اصبح اولادنا يمشون الخيلاء لذلك نفقد نقاط الولايات ؟؟؟
    *هل لا يعي اولادنا ان شعارنا في ذا الموسم انو نلقط جميع البطولات ؟؟؟
    *اذا خسرنا كأس العالم للانديه نحزن
    *فمابلك من خسارة نقاط الدوري بالولايات !!!!
    *ايها الناس
    *علي اولادنا ان يعلموا
    *ان من ينافسنا علي الممتاز
    *ليس من السهل عرقلته
    *فعودنا التحكيم دائما ان يخطئ لصالح منافسنا
    *ومن يخطئ التحكيم لصالحه دوما
    *صعب ان يخسر في ظل تلك الاخطاء
    *لذا عليهم ان يؤدوا مباريات الولايات بشراسه وقوه
    *المهم
    *فارق النقاط الحالي لايخيفنا
    *فمباراتنا ضد الزنطور تجب ماقبلها من هنات
    *وتاتينا بالنقاط
    *ولكن من هنا لي قدام
    *مفروض نؤدي بهمه واهتمام
    *ايها الناس
    *الغرور هو مقبرة الابطال
    *وهو سبب الفشل في كثير من الاحيان
    *لذا نقتله في مهده اذا دب فينا
    *المهم
    *تعادل كادوقلي لايعرقل سيرنا للمطار
    *فقط نستفيد من الدرس
    *لكن عندي سؤال
    *لن ندعك تسير وحيدا
    *شعارا رفعته جماهير الزعيم
    *وبفه اولاد الاولتراس في رحلة شندي
    *كدراويه من هنا لي شندي
    *وطبقه الشفوت في الترحال مع الزعيم للجزائر
    *فهل طبقته الجماهير امس في رحلة كادوقلي ؟؟ظ
    *ام ان الجماهير نفسها بقت ما بتمشي الا المباريات الافريقيه ؟؟؟
    *تبقي مشكله لو اصاب الغرور الشفوت
    *وان كانت الخيلاء قد دبت بالمدرجات
    *يبقي مدخلها للملعب واااااسع
    *ايها الناس
    *نهتم بكل المواجهات
    *ولايهمنا ضد من ولا اين
    *فقط نعمل علي كسب كل الجولات
    *حقو نستفيد شويه من الفاشر وعطبره وكادوقلي وشندي
    *نقاط فقدناها في تلك المدن بالاستهتار
    *ومن يستفيد من الخساره ليس بخاسر اطلاقا
    *ولكن ان تستمر اسباب الخساره
    *فتلك هي الخساره بعينها
    *المهم
    *نجتر ريحة المطار من جديد لنكمل المشوار
    *وصدقوني
    *الاميره الحمراء لما تصل البلد دي
    *حاتلقي ناس كتار فاروا الحياه
    *تاني جنس جديع
    *زحمه مافي
    *الهايس تتحرك من الموقف بركاب اتنين بس
    *امجاد دي تجيك في البيت وتشحدك علي المشوار
    *باقي الرغيف الا نصدروا
    *وتبقي بلدنا رائعه
    *تبقي اجمل كل مدينه
    *اسي الجاب سيرة المدينه شنو ؟؟
    *عشان ما تزعلوا نقول ليها ( ستي )
    *المهم
    *زول قال لي رايك شنو في اشاعة شراء كورة سموحه ؟؟؟
    *قلت ليهو سموحة شنو البشتروها
    *سموحه ما للبيع
    *سموحه عينه مجانيه
    *علي قفا من يشيل
    *ايها الناس
    *ان تنصروا الله ينصركم
    *اها
    *نجي لي شمارات والي الخرتوم
    *كان شفت يا والينا
    *الاتصالات حيرتنا وعملتها فينا
    *زول يكتب ليك شيك يا والينا
    *ظروفو تخونو زي اي واحد فينا
    *الشاكي يتصل عليهو من جوه المدينه
    *بت الاتصالات تقول ليهو الزول ده قافل تلفونوا منك بعد قبض السمينه
    *يقوم يزعل يفتح بلاغو وللحراسه يودينا
    *مع انو التلفون فاتح يا والينا
    *زول مشاكل مرتو يا والينا
    *يطلع من بيتو زعلان منفوش مادي قدومو لينا
    *يصل مكتبو ربنا يهديهو يا والينا
    *يتصل علي المره يا والينا
    * بت الاتصالات تقول ليهو قالت مادايره وشك ده يا اخينا
    *ويطلقها يا والينا
    *نفتح النت ما بجينا
    *موبايلاتنا بقت زي علب تونه وساردينا
    *ومشتركين بالشهر يا والينا
    *الشهر يمر فينا
    *والحساب مخصوم علينا
    *زول يديك تلفونو تضرب ليهو يا والينا
    *بت الاتصالات تقول ليك دقسك رقم زي ده ما موجود لدينا
    *غايتو بت الاتصالات دي يا والينا
    *طلعت اكضب زول فينا

    سلك كهربا
    ننساك كيف ولو طلعنا موبايلاتنا عشان نتصل الكلب بضحك ويهوهو فينا
    والي لقاء
    سلك
    توقيع مريخابي كسلاوي



  2.  
     
  3. #2
    موقوف
    رقم العضوية : 9034
    تاريخ التسجيل : Oct 2013
    المشاركات: 4,587
    التقييم: 50
    معدل تقييم المستوى
    0

    افتراضي رد: في السلك : بابكر سلك : الزعيم في الاقاليم

    شكرا كسلاااااااوى وان شاء الله الاميره السمراء تكون من نصيب الزعيم اسد افريقيا

  4.  
     
  5. #3
    المشرف العام
    رقم العضوية : 8255
    تاريخ التسجيل : Jan 2013
    المشاركات: 32,926
    التقييم: 70
    معدل تقييم المستوى
    194

    افتراضي رد: في السلك : بابكر سلك : الزعيم في الاقاليم

    شكرا يا كسلاوي يا رائع
    بإذن الله الممتاز وكأس السودان والأميرة جميعهم من نصيب المريخ
    توقيع عبد المنعم خليفة

  6.  
     
  7. #4
    مريخي رائد
    رقم العضوية : 6007
    تاريخ التسجيل : May 2011
    المشاركات: 11,719
    التقييم: 98
    معدل تقييم المستوى
    99

    افتراضي رد: في السلك : بابكر سلك : الزعيم في الاقاليم

    مشكور الكسلاوي
    والتحية للسلك المكهرب

  8.  

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •