صحيفة المريخ اون لاين
النتائج 1 إلى 2 من 2
     
  1. #1
    مريخي رائد
    رقم العضوية : 3373
    تاريخ التسجيل : Apr 2010
    المشاركات: 175,147
    التقييم: 261
    الهوايه : الرياضة والانترنت
    معدل تقييم المستوى
    936

    Icon14 في السلك : بابكر سلك : كلية المريخ


    في السلك
    بابكر سلك
    كلية المريخ

    *درس هيثم مصطفي سنه في كلية المريخ اهلته لدبلوم التدريب
    *لذا استعان به الهلال مدربا عاما
    *سيدا هرج من بيته في ظروف صعيبه
    *اسقطه اهله علي قارعة الطريق
    *التقطناهو ونفضناهو ولمعناهو واعناهو
    *وقلنا ده جادعنو ليه ما ياهو ده كويس
    *ثم اعدناهو اليهم وفي نفسه مرارات التخلي وجور اهل القربي
    *سيدا سيد تار
    *وفي اقل من اسبوع اصبح في الهلال مصدرا للقرار
    *والكرة في ملعب هيثم
    *هل نسي ام كان يتناسي حتي تحين الفرصه
    *في الحالتين حانت يا سيدا وهانت
    *ومن يهن يهن الهوان عليه
    *ولكن هل مات جرح سيدا ؟؟؟
    *وريهم يا سيدا
    *وريهم الطفي النور منو
    *فنورك لم تستمده من جنريتر احد
    *ولكنك صنعته بنفسك
    *اكيد حايعرفوا الطفي النور هو سيد النور
    *المهم
    *اعدادنا بدا
    *وحقو الناس تعرف ان هدفنا هو التقدم من حيث وقفنا
    *اقل من الموسم الفات لن نقبل
    *افريقيا ادهشنا الناس
    *محليا شلنا الكاس والكاس وكاس الشهيد فتحي خليل
    *يبقي السنه دي كل الكاسات جوه وبره
    *ايها الناس
    *لم يعجبني حديث الاخ صلاح حمزه عن الرواد
    *انت منهم اخي صلاح
    *فهل يكذب الرائد اهله ؟؟؟
    *ايها الناس
    *المرحله ليست مرحلة خلاف واختلاغ بقدر ماهي مرحلة ائتلاف
    *المريخ يحتاج لجميع ابنائه الآن
    *المهم
    *مجلسنا قابل الكتير من المشكلات
    *ولكنه ادار الملفات بنجاح ان لم يك مدهشا
    *فبنجاح كبير
    *ملف الاحلال والابدال
    *ملف اعادة القيد
    *ملف سد الثغرات او بعضها
    *ملف التدريب
    *ملف المعسكر
    *بعض ملفات المديونيه
    *ملف العضويه
    *وهاهو يفتح ملفات جديده
    *ملف صيانة الاستاد والنادي
    *ملف الاستثمار بالذات علي ارض الحتانه
    *عرفتوا ليه بقول ليكم يمدوا عمر المجلس ده ؟؟؟
    ايها الناس
    *ما وصلنا اليه من مستوي مدهش العام الماضي لم يأت صدفه
    *كان نتاج جديه من المجلس
    *من الجهاز الفني
    *من اللاعبين
    *من شفوت الاستاد
    *يبقي لا للاستهتار اطلاقا
    *المهم
    *موهبة شيبوب لبنت
    *لكن ما بنديها الطير
    *شيبوب في البلد دي الا يلعب كوتشينه
    *اضر بنفسه ومستقبله
    *ولم يخسر المريخ حاجه
    *لبنت وتقعد في القندول كده كيتا علي الطير
    *فخيال المآته يخيف الطير
    *يخلي كلامو زي كلامو في الباقير
    *لو نقطعوا عونكوليب
    *طيره بتضوقو مافي
    *ايها الناس
    *نجاحات امير دامر تؤهله للانضمام للجهاز الفني
    *فكروا في كلامي ده
    *ايها الناس
    *رحل عنا دقنو وسري
    *تاريخ ناصع ومريخيه صارخه
    *الف رحمة تنزل عليهما
    *وماقدماه للمريخ يبقي نقشا جميلا علي جدران الذكري
    *المهم
    *المشهد الاخيره من فيلم الكاوبوي
    *البطل جا راجع
    *حايفرتق ليك الخيانه
    *خاين خاين
    *خاينه خاينه
    *ما يخلي فيها نفاخ الخيانه
    *وبعد داك يسلم نفسو للشريف ابو نجمه
    *ايها الناس
    *ان تنصروا الله ينصركم
    *اها
    *نجي لي شمارات والي الخرتوم
    *كان شفت يا والينا
    *البرد ذاتو بقي يلعب بينا
    *هو منو الما بلعب بينا
    *تصدق
    *بقي يحاورنا يا والينا
    *ويبيضها لينا
    *الصباح يجينا
    *نلبس تقيل ونقشر يا والينا
    *نص النهار يختها لينا
    *تسخن معانا مانعرف محل نودي بدلنا وطواقينا
    *نملصها يا والينا
    *بعد دقيقتين يجينا
    *بقينا كورة يا والينا
    *يحاوروا بينا
    *وفي الآخر يشوتونا يا والينا
    *وياريت لو بجيبونا قون ويحتفلوا بينا
    *في خط سته يضيعونا والجماهير تسخط علي الانفرد بينا
    *هو جنس نبز يا والينا
    *شايتين علي وين يا والينا ؟؟؟

    سلك كهربا
    ننساك كيف والكلب لاعرفو شتا لاعرفو صيف ولا عرفو غرق ولا عرفو قيف
    والي لقاء
    سلك


  2.  
     
  3. #2
    موقوف
    رقم العضوية : 9034
    تاريخ التسجيل : Oct 2013
    المشاركات: 4,587
    التقييم: 50
    معدل تقييم المستوى
    0

    افتراضي رد: في السلك : بابكر سلك : كلية المريخ

    مشكورا الزعيم كسلاااااااااااااااااااااوى

  4.  

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •