في السلك
بابكر سلك
من صينيين وين في الاهل !


* بعض الشفوت اصابهم بعض من الاحباط بعد مشاهدة عرض المريخ امام الاتحاد السكندري بالذات من شوط اللعب الاول
* وعلي الرغم من ان الامر لا يخرج عن التجريب والاعداد
* الا اننا لا ننكر ان بعضا من ذلك الاحباط قد اصابنا
* بالذات في شكل الدفاع وبعض الوسط
* فالتنظيم الدفاعي به خلل
* احتمال سوء توزيع
* واحتمال سوء فهم او تنفيذ من قبل اللاعبين
* واحتمال قلة مهارات
* غايتو في شئ غلط
* فأنا لست بملحن ولا موسيقار ولا افهم النوته ولا اقرأها ولا ادري الفرق بين الري والمي والصول
* ولكن حينما اسمع لحنا افرز بين اللحن الجيد وذلك الغير جيد
* واعرف العازف المتمكن وافرز العازف الغير جيد
* وحينما استمعت لمقطوعة بورتسودان انتبهت للكمنجات النشاذ
* وانتشيت للبيز جيتار محمد عبد الرحمن في صولته المنفرده
* يبقي يمكننا ان نعطي رأيا فنيا كمستمعين للمقطوعه
* وعلي هاي (جيمس لاست ) ان يعير رأينا كمتلقين لعمله الفني ان يعيره انتباها ويعيد توزيع مقطوعته الموسيقيه من جديد
* نسمي مقطوعة هاي (النسر الجارح )
* ونريد لها ان تكون كذلك في محافل التنافس الافريقي
* هذا انطباعنا
* ويبقي الامل كبيرا في تحليقنا علي اجنحة نسرنا الجارح علي سماوات افريقيا ليحط رحاله ممسكا بصيده الثمين بمخلبة علي وكره الكبير مطار الخرطوم كما عودنا
* ايها الناس
* لقاء الاتحاد السكندري القادم هو امتحان لاستعدادات الجماهير
* نريد خمسين الف شفت علي المدرجات
* نريد عناقا حارا بين المسميات التشجيعية ومنافسه قوية علي تشجيع المريخ القا وابداعا
* نريد من الجماعات التشجيعية ان تحب بعضها و تعترف بالآخر لانها تشترك جميعها في حب الكيان
* وفي ذلك فليتنافس المتنافسون
* وبمناسبة يتنافسون
* الزعيم يفخر بقروباته سواء علي الفيس او الواتساب
* وتسابقت تلك القروبات في التنافس علي دعم الزعيم
* كل حسب مقدرته
* فعيب الزاد ولا عيب سيدو
* وقل الدعم ما بعيب سيدو
* وكل زول بدعم قدر ايدو
* العطاء واحد والثناء واحد
* سنتناول ما قدمه اي قروب كلما سنحت لنا الفرصة
* ليس من باب البوبار
* ولكنه من باب فخرنا وافتخارنا بقروباتنا
* اليوم نكتب عن قروب (دعم مجلس الوالي )
* الترميز واتسابي
* القمر الزعيم سات
* قدم هذا القروب الكثير
* من مساهماته
* سحب اورنيك تسجيل السماني الصاوي
* دعم المراحل السنية مرات باطقم كاملة من التي شيرت مرورا بالشورتات والجوارب حتي الاحذيه بعدد يصل لاربعين لبسه في المرة الواحدة
* قام بصيانة حافلة نقل المراحل السنيه واعادوها للعمل
* القروب عضو بمجلس الشرف بعد تسديد رسوم الاشتراك كاملة
* وعلي الرغم من ذلك القروب اعضاء في مجلس الشرف بصفتهم الشخصية
* هذا قليل من كثير وبجعبتهم المثير
* قروب فعلا مصدر فخر واعزاز واعتزاز
* وكلما سنحت لنا فرصة نتناول قروب من قروبات الزعيم المدهشة
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* اتملت صينيين علينا
* البضائع صينيه يا والينا
* صحن الصيني والصينيه
* وكل العده صينيه
* السكرية والملاحة والملعقة صينية زي وصلت الكهربا وماسورة الموية ماسورة وصينيه جابوها لينا
* في كل ركن وكل شبر تلقي صينية وصيني يا والينا
* يوم غايتو صيني حايجينا
* يطلب يناسبنا يا والينا
* غير نسألو من صينيين وين في الاهل يا اخينا
* مافي شئ بايدينا
* كان قال من صينين البترول جد لينا
* وكان قال من صينيين الكباري الفينا
* ايوي يوي يوي يا والينا
* وكان قال من صينيين مشروع الجزيرة البنوت بزغردن فينا
* صينيين الجزيرة في السلك واصحاب ملك يا والينا
* وحلات شفعنا نضارة تكفي عشرة ما العوينات سكسك يا والينا

سلك كهربا
ننساك كيف والكلب قال كان جابت ليها صينيين بتدخلنا الفرن
والي لقاء
سلك