ﻓﻰ ﺍﻟﺴﻠﻚ
ﺑﺎﺑﻜﺮ ﺳلك
تعادل منطقي جداً


* خسرنا تفردنا بنقطتين خسرناهم بنيالا الساحره بالامس
* من وجهة نظري كان التعادل منطقي جدا
* احصائيا لا ميزة كانت لنا علي الوادي نيالا
* حتي الاستحواذ تقريبا متساوي
* بالذات في الشوط التاني
* الاسباب عندي وبدون مجاملة هي كالآتي
* فشل محمد موسي تكتيكيا في حل شفرة التكتيك الدفاعي القوي لوادي نيالا واصراره علي اللعب بمهاجمين فقط وميزة المريخ و قوته التي تجبر الخصوم علي التراجع هي الهجوم
* فكان عليه اشراك مهاجم ثالث من البداية
* اما السبب التاني و الاهم هو فشل اولادنا في اللعب تحت ضغط اولاد الوادي
* فلعبوا علي الواقف
* محمد عبد الرحمن كعادته استسلم للرقابة المقصية عليه ولم يحاول مجرد محاولة للافلات منها
* التش استسلم للرقابه الشديده والضاغطة عليه
* فغابت المهارة
* والغريبه ميزة المهارة هي ظهورها في مثل هذه الاوقات
* فان كان مجرد اللعب الضاغط يوقف مهارة اللاعب المهاري
* يبقي مافي داعي للمهارة
* ومن الاسباب الاساسية انو التكت ماشي في النازل
* السبب شنو مامعروف
* ايها الناس
* الغرور يجب ان لايقتل روح الاصرار
* ونفسيا نحتاج لاعداد جيد جدا
* سامعني يا اعضاء مجلسنا الموقر ??
* المهم
* من واقع المباراة ما كنا نستحق النصر اطلاقا
* وليتها تبقي عترة تصلح مشينا لنهاية الموسم
* هاردلك الجهاز الفني
* وهاردلك اللاعبين
* المهم
* تمس قالوا الفيفا جابت خطاب تحكي فيهو عن متأخرات وارقو
* وراقو الزماااان داااااك
* بالله وارقو عندو قروش لي اسي عندنا ?
* يطرشنا
* علي العموم قروشو مشت ليهو
* الله بيننا وبين حق الناس
* ولكني اجدد النداء
* المعد النفسي يا نااااااااااااااااااااس
* المهم
* اشعر بان هناك خير كتير قادم وخبر سعيد شدييييييد
* قدر ما اطرد الاحساس ده
* يتاورني من جديد
* اللهم اجعلو خير
* خير كتيييييييير
* ايها الناس
* احر التعازي للاستاذ عبد الصمد محمد عثمان في رحيل والدته التي نسأل الله ان يجعلها من اصحاب اليمين و يصبر اهلها ولايفتنهم من بعدها
* ايها الناس
* لا داعي للقلق
* فالسكري ضارب بغلة عبد الخير ووقفاتها حاتكتر
* والانسولين البرازيلي مابعمل حاجه مع عشرة صلايب سكري دي
* القصة اسيتون عديل كده
* وبعدو الضقلمه
* اللهم لاتعولقنا لا تخولقنا انت مولانا فانصرنا علي القوم البقيف في طريقنا
* ايها الناس
* الف حمدا علي سلامة الارباب بعد الجراحة التي اجريت له
* حمد الله الف علي السلامة يا ارباب
* يا الحبيب تسبيع
* قلوبنا معك اينما كنت وحيثما كنت
* الا في داخل الملعب
* نحنا ماناسك
* نحنا حمر شديد
* لكن بره تمتزج الالوان عشان يسود علم السودان
* ايها الناس
* لاتفوتنا تهنئة الحبيب الجميل حافظ الزين الذي لعب ضربة البداية لمراسم زواج ميمون باذن الله
* ومعاك يا حافظ من هنا لي نهر المسيسيبي موش نهر النيل بس
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* بعد لغيتوا الزمن الكعب ورجعتوا لينا زمننا
* طمعنا
* قلنا ان شاء الله تشيلوا مناهجكم وترجعوا لينا مناهجنا
* تقفلوا مدارسكم وتفتحوا لينا مدارسنا
* تقللوا وظائفكم وترجعوا لينا بعض من وظائفنا
* تشيلوا الفشل الكلوي والسرطان وترجعوا لينا ملاريتنا

سلك كهربا
* * ننساك كيف والكلب قال يا حليل زمان ملاريا نرقد تلاته يوم و نقوم نحوم… اسي حايم ترقد الرقده الياها؟؟؟!!!
والي لقاء
سلك