صحيفة المريخ اون لاين
النتائج 1 إلى 3 من 3
     
  1. #1
    مريخي رائد
    رقم العضوية : 3373
    تاريخ التسجيل : Apr 2010
    المشاركات: 152,500
    التقييم: 261
    الهوايه : الرياضة والانترنت
    معدل تقييم المستوى
    814

    Icon14 في السلك : بابكر سلك : دابوا لينا هتوم العيد ودابوا لينا مدلس جتيت

    في السلك
    بابكر سلك
    دابوا لينا هتوم العيد ودابوا لينا مدلس جتيت

    * عندما خلق الله سبحانه وتعالي الانسان
    * خلقه في احسن تقويم
    * وميزه عن سائر المخلوقات بالعقل
    * خلق المولي السماوات والارض في ستة ايام ثم استوي علي العرش
    * وان اراد لخلقهما في رمشة عين
    * ولكنها حكمته في التدرج والتطور
    * لذا تسير كل مخلوقات الله في اطوار منطقية
    * حتي الجبل يبدأ من حصحاصه
    * وبفعل عوامل الطبيعه ينمو مع كل ذرة تحملها الرياح
    * حتي يصير جبلا
    * وكذا الجزر
    * توتي دي ماكانت قدر كده
    * ولكنه تراكم الطمي
    * وهكذا الانسان
    * بدأ حياته بعصر القوة
    * القوي ياكل الضعيف
    * مخو كان كده
    * فهمو كان كده
    * ثم تطور المجتمع الانساني والعقلية الانسانيه
    * ونمت بداخله قناعاته بالانسانية
    * فعرف ضرورة العيش في جماعه
    * واحترام الجماعه
    * وعند تضارب المصالح الناتجه عن العيش في جماعة
    * فكر الانسان في طريقه يحفظ بها المجتمع من هجمة المصالح المتضاربة
    * فاتي بالقانون
    * وتطورت القاعده القانونية
    * وتطور الانسان من الايمان بالقوة للايمان بحقوق الغير وسيادة القانون
    * الي ان وصل للديمقراطية واقر حقوق الانسان
    * آخر مراحل تطور الانسان
    * وعلي الرغم من هذا التطور
    * لازالت هناك فئة بعيدة عن درجة التطور
    * فئة تقودها المصلحه للمربع الاول
    * لعصر القوة
    * لقانون الغاب
    * فتهدر مكاسب العباد المتطورة
    * وتعمل جاهدة لاعادتها لمربع القوة والفتوة والسلطة والسلبطة
    * ولكن
    * طال الزمن ام قصر
    * لا يصح الا الصحيح
    * والتاريخ سيحفظ مواقف الناس دون تجميل ولا خداع
    * حتي مساحيق اليوم سيجليها الزمن ليسجل التاريخ الوجوه علي حقيقتها
    * الجميل خلقه
    * و القبيح خلقه
    * ولايترك الانسان حين يمضي الا سيرة
    * اللهم نق سريرتنا وجمل سيرتنا فهي الشئ الوحيد الذي نورثه لخلفنا في هذه الدنيا
    * يارفعنا راسهم
    * يا الدنقيره الياها
    * المهم
    * واحد قال مجلس كلما نقول مات يقوم
    * مجلس بعاتي
    * قلت ليهو مجلس بعاتي ووزير تعييناتي
    * ايها الناس
    * كلما كان الوعي متطورا عند الانسان
    * كلما احترم الانسان الآخر والقوانين والحقوق
    * والعكس صحيح
    * فالفهم والثقافة والتطور ليست بدلة نقشر بها
    * او رتبة نتباهي بها
    * او حسب او نسب
    * ولكنه قناعة تظهر في السلوك الفعلي للانسان
    * ايها الناس
    * في هذا العصر الحديث جدا انقضي عصر القوة البدائي غصبا عن الناس بعد انتشار التواصل والميديا والرقابة الدولية
    * فنتعجب اذا شاهدنا او سمعنا بانقلاب
    * لانه تصرف بدائي و متخلف
    * لا يقوم به اهل الوعي ولا يعترفون به
    * فالغايات لاتبررها وسائل التخلف والمصالح المعنية
    * ولغة الانقلابيون دائما واحده وخطابهم واحد
    * كنا نرقب التدهور المريع الذي وصلت اليه البلاد بحسرة شديدة مع الامل في صحوة ضمير القائمون علي الامر وخوف الله في العباد
    * وعندما وصل امر الفساد والافساد للدرجة التي تعيشونها جميعا
    * قرر ابناؤكم الاستيلاء علي السلطة لمصلحة المواطن والوطن
    * وتخرج الشعوب (المغشوشة ) في مسيرات فرح بالانقلاب
    * وسرعان ما يشتهون زمن ماقبل البيان
    * زول ما احترم القانون
    * يحترم المواطن كيف بس ?
    * ايها الناس
    * الديمقراطية زي العجله
    * تخويف الناس من ركوبها لعدم العرفه والتهديد بالسقوط ليس حلا
    * تركب العجله تقوم وتقع وتتنفض وتركب تاني وتقع وتقوم
    * لمن تتعلم وتقوم سداري وتفك ايدينك كمان
    * اما الاستجابة للتخويف من الوقوع من العجلة فهي الخنوع والخضوع زاتو
    * لذا الديمقراطية عجلة
    * نركبها حتي لو مابنعرف نسوق عجلة
    * ايها الناس
    * نسأل الله السلامة
    * المهم
    * الكبير يدير الصغير ويعيشه ويكسيه
    * الوزير اكبر مننا بحسب رأي الذين يؤيدون القرارات الفوقية دوما دون ان يتخذوا موقفا واحدا يحفظه التاريخ علي صفحات ايجابياتهم
    * حتي خلتنا فرحانين زي الشفع
    * اول مانشوف زول جاي نجري عليهو فرحانين ببراءة
    * دابو لينا
    * دابو لينا هتوم العيد ودابو لينا مدلس جتيت
    * اخاف ان يقول لنا احدهم
    * وما دابو ليكم مناديل للريالة دي ???
    * ايها الناس
    * في ناس قادوا حملة رفض دخول مكاتب الاتحاد بالقوة الجبرية ايام مشكلة الاتحادين
    * هل تصدقوا انهم اليوم يقودون حملة وجوب دخول المكتب التنفيذي بالقوة الجبرية
    * بربكم بكم مكيال نكيل !!!!
    * وكيف نكيل ???
    * الا نذكر ان الويل يجلبه التطفيف ???
    * ايها الناس
    * ان تنصروا الله ينصركم
    * اها
    * نجي لي شمارات والي الخرتوم
    * كان شفت يا والينا
    * نحنا لسه بعيدين

    سلك كهربا
    ننساك كيف والكلب قال بعيدين شديد
    والي لقاء
    سلك

  2.  
     
  3. #2
    مريخي أصيل ومميز
    رقم العضوية : 7120
    تاريخ التسجيل : Jan 2012
    المشاركات: 4,883
    التقييم: 50
    معدل تقييم المستوى
    64

    افتراضي

    سلك ده مطرتو صابه علي وين

  4.  
     
  5. #3
    مريخي رائد
    رقم العضوية : 1471
    تاريخ التسجيل : Dec 2009
    المشاركات: 9,691
    التقييم: 67
    معدل تقييم المستوى
    100

    افتراضي

    سلك فى وادى ومشاكل النادى فى وادى آخر يعنى يا استاذ سلك تحاول فى العجلة لمن عربية تجيب خيرك ولا تعقع فى حجر لمن تدشش رأسك يعنى كان عاجبك الحاصل ..

  6.  

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •