صحيفة المريخ اون لاين
النتائج 1 إلى 2 من 2
     
  1. #1
    مريخي رائد
    رقم العضوية : 3373
    تاريخ التسجيل : Apr 2010
    المشاركات: 164,230
    التقييم: 261
    الهوايه : الرياضة والانترنت
    معدل تقييم المستوى
    876

    Icon14 في السلك : بابكر سلك : سايق درداقة

    فـــي السلك
    بابكر سلك
    سايق درداقة

    الاطلاع متعة

    > وقمة متعة الاطلاع لما تقرأ للأهلة صباحية هزيمتهم
    > بالذات لو كانت الهزيمة من المريخ
    > وأمتع الكتاب الأهلة وقتها هما روشا وفطومة أختي
    > بالذات لما يكون كردنة رئيس
    > ياخ ديل بكتبوا بعد الهزيمة بطريقة ممتعة بشكل
    > آل أيه
    > روشا قال بعد الهزيمة أول مرة في حياتو يكون مبسوط والهلال مغلوب
    > مبسوط لدرجة ما قادر يرد على التلفون
    > بسطة تجنن يا روشا
    > وقال اطمئن على مستقبل الهلال
    > هلال المستقبل الفيهو الشغيل وبشة والبرازيلي
    > التلاتة ديل مجموع أعمارهم مية وعشرين سنة
    > مستقبل أيه الجاي تقول عليه ومجموع أعمار بيبو والتش والجس وتيري وسومانا ومنجد أقل من مجموع أعمار بشة والشغيل وعمك البرازيلي بدون بويا
    > أسي عليك الله في التيمين يوم الكورة كان في مدافع قدر بويا؟
    > قال مستقبل قال
    > دي هزيمة لي ناس روشا تجنن ولي ناس فطومة تحنن
    > فطومة شدت ما الهزيمة حننتها ناقشت كمان
    > ناقشت إنو الهلال منتهي شديد
    > قامت بي نقشتها ديك كترت المحلبية وزادت النشادر
    > وقالت التحكيم يظلم الجريف
    > عليكم الله شوفوا الغلب ده بشتن الناس ديل كيف وجهجه أفكارهم
    > هو الجريف ده داير ليهو حكم يقصدو؟
    > ياخ ده قاصد روحو وقاصدكم
    > معروف إنو الإنسان لما يمشي بمشي من خلاف
    > يعني يدينو عكس رجلينو
    > لما تكون الرجل اليمين قدام
    > بتكون اليد الشمال قدام
    > والعكس صحيح
    > وبجري بنفس الطريقة
    > جريفكم ده لما يجري بكونن يدينو الاتنين قدام
    > وثابتات قدامو لي تحت شوية
    > زي السايق ليهو درداقة
    > تقولي لي حكم ظلمو!!!!
    > الهزيمة جهجهت أفكاركم يا فطومة
    > ما تكتروا المحلبية ساي
    > المهم
    > شايف البعض شايل من زولفاني شوية
    > بالذات في التبديلات
    > لكن لو علمنا إنو تغيير بكري كان للإصابة
    > وأن تيري طلب التبديل وأصر عليه
    > يبقى أين الخطأ في هذه التبديلات؟؟
    > طيب دخل النعسان ليه؟
    > أول حاجة في آخر مباراة كان النعسان هو البديل الناجح
    > تاني حاجة المدرب محتاج للاعب سريع وخفيف يشيل مع رمضان حيث تركزت خطورة الهلال في فارس فقط
    > طيب دخل الجس ليه؟
    > انخفاض مردود سومانا وسوء أمير ورغبة الهلال العارمة في التعديل كلها أسباب تكفي لتنشيط منطقة الارتكاز للمحافظة على النصر وقد كان
    > أيها الناس
    > كلما استقرت الأمور الإدارية والفنية بالمريخ
    > يحشر بعضنا أنفه ويطيح بذلك الاستقرار
    > المدرب ده شغال كويس
    > حتى ولو ماكويس ما بتقيم الآن
    > قال ما داير مساعد وطني
    > كده مرتاح
    > يبقى اللف والدوران والالتفاف حول النصر وعليه لأجل ضم مساعد وطني غصباً عن المدرب ما في ليهو داعي
    > ولا تستدروا عطف الناس بعبارة أبناء النادي وأولاد الجيران
    > المدير الفني عايز كده
    > يبقى خلاص
    > وأولاد النادي جربناهم
    > وهم ما مشحودين على النادي
    > اذا المدرب داير مساعد وطني
    > أكيد حانجيب ليهو من أولاد النادي من هو كفؤ
    > خلونا ننعم بالاستقرار شوية
    > كلما ما تلبن برانا بنديها الطير وبعض الحشرات وقليل من الكلاب
    > خلوا المبيد يؤدي مفعوله
    > أيها الناس
    > إن تنصروا الله ينصركم
    > آها
    > نجي لي شمارات والي الخرتوم
    > والينا
    > الشمار السمعناهوا ده صاح؟؟؟؟

    سلك كهربا
    ننساك كيف والكلب قال قولن جق والمابتصفق إن شاء الله البورة تكتلها
    والي لقاء
    سلك

  2.  
     
  3. #2
    مريخي بلا حدود
    رقم العضوية : 8674
    تاريخ التسجيل : Jun 2013
    المشاركات: 1,369
    التقييم: 50
    معدل تقييم المستوى
    40

    افتراضي

    كتر من الكلاب والحشرات دي ياسلك وخلينا من حكاية فطومه اختي دي

  4.  

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •