صحيفة المريخ اون لاين
النتائج 1 إلى 4 من 4
     
  1. #1
    مريخي أصيل ومميز
    رقم العضوية : 1789
    تاريخ التسجيل : Jan 2010
    المشاركات: 3,677
    التقييم: 109
    معدل تقييم المستوى
    74

    افتراضي عمود نص الكباية : شعرها قمل وصيبان وضاربه وشها الوان


    سلام من الله عليكم قراء عمود نص الكباية ... المثل أعلاه شعرها قمل وصيبان وضاربه وشها الوان تذكرته وضحكت حتي استلقيت علي ظهري عندما قرأت الخبر الذي كتبه الزميل معاوية السقا ان قناة المريخ رصدت 30 الف دولار ... الدولار اب 70 ده لاستاذنا السر قدور لتقديم برنامج حصري للقناة في رمضان من 26 حلقة بل وقال الخبر ان المبلغ يمكن ان يزيد
    معني المثل انو الواحدة تكون مابتهتم بنضافة جسمها لدرجة القمل والصيبان وهو بيض القمل يملو راسها وهي ممكيجه بالالوان وهذا تناقض غريب يشبه تناقض هذا الخبر الذي اورده الزميل معاوية السقا له التحية
    نعود للخبر ولضحكي عليه لان التناقض هنا ايضا موجود نفس ال30 الف دولار دي هي سبب حرمان المريخ النادي من تسجيل لاعبين جدد وعشان مادفعها عاقبتو الفيفا ... ههههههههههه يعني الفشل فيهو النادي تدفعو القناة .. وجاء في ثنايا خبر الزميل السقا ان مسئول في القناة قال ان السر قدور مريخي لذلك جاء اختيار القناة له ... يعني ماعشان قناة المريخ دايرة تبث في العرب سات وقناة النيل الازرق البشتغل معاها بتبث في النايل سات وماعشان شئ الا انو القناة تلقي قروش تصرفها كم شهر كدا لانها باديه غلط ... وماعشان الشراكة ولاعشان .... ولاعشان ....
    نفس قناة المريخ دي قالت انو قناة عزام غاااااااالت في رفع شارة مباراة فايبرز اليوغندي ولذلك لم تنقلها وغااااااااالت دي مازي غالت القالتها المذيعة بتاعة الاخبار في قناة الشريك عندما ارادت ان تقول قالت مصادر فغااااااااااااالت انو غالت مصادر ((كوجنت اي شئ ))
    30 الف دولار
    الدولار القرب للسبعين
    اب 70 منو 30 الف
    اب 70 ده عللللف
    وفي علم الاعداد بقولو ليس ليس يطلع كويس دي مابتنجح ...
    اذا كانت قناة المريخ لها القدرة علي دفع 30 الف دولار في برنامج واحد ابشرهاااااااااا
    دي بتعمل دورة برامجيه كاااااملة لموسم رمضان
    بدلا من ان تدفع لشخص واحد عشان هو مريخي
    مع ملاحظة انو ده حق شغلو بس يعني اضافة لل30 الف في ميزانية انتاج ومخصصات طاقم وخلافه

    الاولي للقناة القروشها محرقاها دي انو بال30 الف دولار تشتري كاميراتين حديثات بدلا من الكاميرات التي نقلت بيها مباراة فايبرز ... وقبل ده كلووووو
    الاولي لها ان تبث عبر النايل سات لانو مدخلات الاعلان وهي بتبث في عربسات حتكون اكتر من ضعيفة .... مقارنة بالنايل سات
    ال30 الف من اب 70 كانت بتحل مشكلة مارسيال
    وتخلي النادي البي اسمه قامت القناة يسجل لاعبين كويسين
    ومايطير من دوري ال64
    ونختم بي مثل تاني
    دخانكم يدخن وجوعكم يمحن



  2.  
     
  3. #2
    مريخي رائد
    رقم العضوية : 3373
    تاريخ التسجيل : Apr 2010
    المشاركات: 164,667
    التقييم: 261
    معدل تقييم المستوى
    878

    افتراضي

    في الصميم حبيبنا شمشره

    موفق بإذن الله ياحبيب

  4.  
     
  5. #3
    مريخي متميز
    رقم العضوية : 11408
    تاريخ التسجيل : Nov 2016
    المشاركات: 113
    التقييم: 50
    معدل تقييم المستوى
    13

    افتراضي

    بسم الله الرحمن الرحيم
    السلام عليكم ورحمة الله وبركاته
    اللهم رب العالمين انصر المريخ على كل خصومه وفى كل زمان ومكان ونتمنى ان نرى المريخ كما كان فى سابق عهده من جلب الكاسات المحمولة جوا من داخل ادغال افريقيا
    وليست داخليا حتى لا يشكك او يطعن فيها اى شخص بذريعة (( التحكيم والتنجيم ))
    وبمشيئة الله تبارك وتعالى سوف يظل المريخ زعيم عالمى
    يجندل الفرق العالمية مثل باير ميونخ وشالكا الالمانى
    والسلام عليكم ورحمة الله وبركاته
    ياسر عبد الله محمد طه
    ليبيا
    بنغازى
     

  6.  
     
  7. #4
    مريخي متميز
    رقم العضوية : 530
    تاريخ التسجيل : May 2009
    المشاركات: 135
    التقييم: 50
    معدل تقييم المستوى
    59

    افتراضي

    تم النشر بمجلة الزعيم


    خالص تحياتي يا شمشرة


    http://www.alzaeemsd.com/art/s/16245

  8.  

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •